اۋعانستانداعى اقش اسكەري كۇشتەرى ترامپ ستراتەگياسىن اقتادى

ترامپ ۇكىمەتىنىڭ اۋعانستانعا قاراتقان جاڭا ستراتەگياسىنا ءبىر جىل تولۋىنا وراي، اۋعانستاننىڭ ءبىر جىلدان بەرگى جاعدايى كوبىرەك تالقىلانۋدا. جاڭا ستراتەگيا اۋعانستان جاعدايىنا وڭدى اسەر ەتە الماعانى تۋرالى سىن-پىكىرلەر اقپارات كەڭىستىگىندە كوبەيە ءتۇستى.

دەگەنمەن، وسى تۇستا اۋعانستاندا  تۇراتىن اقش-تىڭ جانە حالىقارالىق قارۋلى كۇشتەردىڭ كومانديرى مالىمدەمە جاساپ، ترامپ ۇكىمەتىنىڭ جاڭا ستراتەگياسى ءوز ىقپالىن كورسەتە باستاعانىن ايتتى. ول جاڭا ستراتەگيانىڭ جەمىسى رەتىندە ەكى رەت جاريالانعان اتىستى توقتاتۋ كەلىسىمىن العا تارتتى.

اقش-تىڭ اۋعانستانداعى اسكەري قولباسشىسى نيكولسوننىڭ ايتۋىنشا، سوعىس الاڭىندا ىسكە اسىرىلعان جاڭا ستراتەگيا جاۋدىڭ جوسپارلارىنا اسەر ەتىپ، ولاردى كەلىسسوزگە كەلۋگە يتەرمەلەگەن. الايدا، كواليتسيا كۇشتەرىنىڭ ەلدەن كەتپەيتىنى تۋرالى مالىمدەمەدەن كەيىن كەلىسسوزدەن باس تارتقان.

بىلتىر سول ەلدەگى ناقتى جاعدايعا بايلانىستى ترامپ ۇكىمەتى اۋعانستاندا تۇراتىن اسكەرلەر سانىن كوبەيتىپ، ەل ۇكىمەتىنە قولداۋ كورسەتەتىنىن بىلدىرگەن.

“The Qazaq Times”