Bağdadi Mosulda jasağan alğaşqı mälimdemesi kezinde. Foto: VOA.

Bir jıl boyı ünsiz jatqan «Islam memleketi» terrorlıq tobınıñ jetekşisi remi mälimdeme taratıp, jaqtastarın küresti jalğastıruğa şaqırdı jäne qarsılastarın «qara tünek kütip twr» dep eskertti. Bwl turalı VOA jañalıqtar qızmeti habarladı.

Özderin «Islam memleketi» atağan terrorlıq toptıñ jetekşisi Abu Bakr äl-Bağdadidıñ kezekti taratqan habarlaması 54 minutqa sozılğan. Onda Bağdadi jaqtastarın Qwrban ayt merekesimen qwttıqtap, maqsattarınan bas tartpauğa şaqırğan. Sonday-aq, öziniñ qazirge deyin tözimdilik tanıtqan qoldauşılarına «jaqsı jañalığınıñ» bar ekenin de aytıp ötken. Habarlama barısında, soñğı jağdaylar turalı ayta kelip, bwl qwldırau äste «Islam memleketine» tän emes ekenin, kerisinşe "Qwrama Ştattıñ qwldırauğa bet aldı" dep körsetken.

Qwrama Ştattıñ Orta-Şığıstağı äskeri küşteri jäne barlau qızmeti atalğan dıbıstıq habarlamanı tıñdağan. Alayda, habarlamanı Bağdadidıñ jasağanın twraqtandırıp mälimdeme jasamadı.

Degenmen, keybir sarapşılardıñ ıqpaldı aqparat agenttikterine bergen jauabına negizdelsek, habarlama Bağdadidıñ öz auzınan jasalğan dep twraqtandıruğa boladı. Olar jäne habarlama jaqında jasalğan degen pikirde. Sebebi, habarlamada Qwrban ayt turalı qwttıqtaular jäne AQŞ-Türkiya arasındağı qayşılıqtar turalı söz bolğan.

Abu Bakr äl-Bağdadi eñ alğaş 2014 jılı Iraktıñ Mosul qalasında jwrt közine tüsken edi.

“The Qazaq Times”