جىل بويى ءۇنسىز كەتكەن «يسلام مەملەكەتى» ۇيىمىنىڭ جەتەكشىسى حابارلاما تاراتتى

ءبىر جىل بويى ءۇنسىز جاتقان «يسلام مەملەكەتى» تەررورلىق توبىنىڭ جەتەكشىسى رەمي مالىمدەمە تاراتىپ، جاقتاستارىن كۇرەستى جالعاستىرۋعا شاقىردى جانە قارسىلاستارىن «قارا تۇنەك كۇتىپ تۇر» دەپ ەسكەرتتى. بۇل تۋرالى VOA جاڭالىقتار قىزمەتى حابارلادى.

وزدەرىن «يسلام مەملەكەتى» اتاعان تەررورلىق توپتىڭ جەتەكشىسى ابۋ باكر ءال-باعداديدىڭ كەزەكتى تاراتقان حابارلاماسى 54 مينۋتقا سوزىلعان. وندا باعدادي جاقتاستارىن قۇربان ايت مەرەكەسىمەن قۇتتىقتاپ، ماقساتتارىنان باس تارتپاۋعا شاقىرعان. سونداي-اق، ءوزىنىڭ قازىرگە دەيىن توزىمدىلىك تانىتقان قولداۋشىلارىنا «جاقسى جاڭالىعىنىڭ» بار ەكەنىن دە ايتىپ وتكەن. حابارلاما بارىسىندا، سوڭعى جاعدايلار تۋرالى ايتا كەلىپ، بۇل قۇلدىراۋ استە «يسلام مەملەكەتىنە» ءتان ەمەس ەكەنىن، كەرىسىنشە "قۇراما شتاتتىڭ قۇلدىراۋعا بەت الدى" دەپ كورسەتكەن.

قۇراما شتاتتىڭ ورتا-شىعىستاعى اسكەري كۇشتەرى جانە بارلاۋ قىزمەتى اتالعان دىبىستىق حابارلامانى تىڭداعان. الايدا، حابارلامانى باعداديدىڭ جاساعانىن تۇراقتاندىرىپ مالىمدەمە جاسامادى.

دەگەنمەن، كەيبىر ساراپشىلاردىڭ ىقپالدى اقپارات اگەنتتىكتەرىنە بەرگەن جاۋابىنا نەگىزدەلسەك، حابارلاما باعداديدىڭ ءوز اۋزىنان جاسالعان دەپ تۇراقتاندىرۋعا بولادى. ولار جانە حابارلاما جاقىندا جاسالعان دەگەن پىكىردە. سەبەبى، حابارلامادا قۇربان ايت تۋرالى قۇتتىقتاۋلار جانە اقش-تۇركيا اراسىنداعى قايشىلىقتار تۋرالى ءسوز بولعان.

ابۋ باكر ءال-باعدادي ەڭ العاش 2014 جىلى يراكتىڭ موسۋل قالاسىندا جۇرت كوزىنە تۇسكەن ەدى.

“The Qazaq Times”