"IM" tobınıñ jetekşisi jaña video mälimdeme jasağan. Foto: BBC.

Özderin «Islam memleketi» atağan terrorlıq toptıñ jetekşisi Abu Bakr äl-Bağdati internet jelisinde jariyalanğan propagandalıq videoda payda boldı. Bwl turalı BBC jäne amerikalıq telearnalar habar tarattı.

Abu Bakr äl-Bağdati eñ alğaş 2014 jılı Mosuldağı äl-Nuri meşitinde «halifat» jariyalağan videosında el közine tüsken bolatın. Özderin «Islam memleketi» dep atalatın rejim retinde jariyalağannan keyin eş jerde videoğa tüsken emes, al internette tek dauıstıq ündeuleri ğana tarap jürgen.

Bwğan deyin Süriyada wrıs salğan AQŞ pen Reseydiñ qarulı küşteri «IM» jetekşisi äl-Bağdatidiñ öldi dep mälimdegen bolatın. 2017 jılı  Rakka şayqastarınıñ birinde äue şabuıldarınan ölgen lañkesterdiñ arasınan äl-Bağdatige wqsaytın bir adamnıñ sureti de jariyalanğan. Degenmen, bwl turalı bwljımas dälel alıp şıqqan eşkim bolmağan.

Bir ay bwrın ğana Süriya men Irak jerinde «IM» küşteri tolıq talqandalğanın resmi taraptar mälimdegen edi. Soñğı video materialdıñ qaşan tüsirilgeni belgisiz. Alayda, onda ol Baghuzdağı qorşap wstau operaciyası kezinde qwtılıp şıqqanın aytqan. Onıñ qaytalay video ündeuden boy körsetui onı öldi degen mälimetterdiñ bärin joqqa şığaruda. Bwl da «äl-Kaida» jetekşisi Usama bin Ladenge wqsas derjavalar arasında äli be birneşe ret «öltirilui» mümkin.

“The Qazaq Times”