Tälipter jeksenbi küni tağı bir audanğa şabuıl jasadı. Foto: VOA,

AQŞ-tıñ memlekettik hatşısı Pompeo jeksenbi küni mälimdeme jasap, AQŞ-tıñ Auğanstan ükimeti men Taliban arasındağı tikeley kelissözderge qoldau körsetuge, qatısuğa jäne wyımdastıruğa dayın ekenin jetkizdi. Osı küni Auğanstan prezidenti Gani ükimet pen tälipter arasında jaña atıs toqtatu kelisimin jariyalağan bolatın.

Pompeo sözinde: «Qwrama Ştat atıstı toqtatu jaña kelisimine qoldau körsetedi. Bwl bastama Auğanstan halqınıñ beybitşilikke degen swranısına degen naqtı jauap», – dedi.

Mälimdemede: «Osıdan bwrınğı atıstı toqtatu kezinde auğan halqı beybitşilikke degen tereñ sezimi men wmtılısın körsete aldı. Biz kezekti atıstı toqtatu bastamasınıñ auğan halqına tınıştıq äkeluin äri bwl tınıştıqtıñ wzağınan boluın ümit etemiz», – delingen.

Jeksenbi küni tañerteñ Auğanstan prezidenti Aşraf Gani Üş ayğa deyin Talibanmen atıstı toqtatu turalı bir jaqtı şeşimin jariyaladı. Sodan birneşe sağat bwrın bülikşilderdiñ soltüstiktegi bir aymaqqa basıp kirgenin jäne birneşe ondağan qauipsizdik qızmetkerin öltirgenin rastağan edi.

Auğanstan ükimeti kezekti birjaqtı atıs toqtatu şeşimin Qwrban aytqa oray jariyalağanın jetkizdi.

Tälipter jağınan prezidenti Ganidiñ şeşimine äli jauap berilgen joq.

“The Qazaq Times”