اقش اۋعانستان ۇكىمەتى مەن تالىپتەر اراسىندا ارا اعايىن بولۋعا دايىن

اقش-تىڭ مەملەكەتتىك حاتشىسى پومپەو جەكسەنبى كۇنى مالىمدەمە جاساپ، اقش-تىڭ اۋعانستان ۇكىمەتى مەن تاليبان اراسىنداعى تىكەلەي كەلىسسوزدەرگە قولداۋ كورسەتۋگە، قاتىسۋعا جانە ۇيىمداستىرۋعا دايىن ەكەنىن جەتكىزدى. وسى كۇنى اۋعانستان پرەزيدەنتى گاني ۇكىمەت پەن تالىپتەر اراسىندا جاڭا اتىس توقتاتۋ كەلىسىمىن جاريالاعان بولاتىن.

پومپەو سوزىندە: «قۇراما شتات اتىستى توقتاتۋ جاڭا كەلىسىمىنە قولداۋ كورسەتەدى. بۇل باستاما اۋعانستان حالقىنىڭ بەيبىتشىلىككە دەگەن سۇرانىسىنا دەگەن ناقتى جاۋاپ»، – دەدى.

مالىمدەمەدە: «وسىدان بۇرىنعى اتىستى توقتاتۋ كەزىندە اۋعان حالقى بەيبىتشىلىككە دەگەن تەرەڭ سەزىمى مەن ۇمتىلىسىن كورسەتە الدى. ءبىز كەزەكتى اتىستى توقتاتۋ باستاماسىنىڭ اۋعان حالقىنا تىنىشتىق اكەلۋىن ءارى بۇل تىنىشتىقتىڭ ۇزاعىنان بولۋىن ءۇمىت ەتەمىز»، – دەلىنگەن.

جەكسەنبى كۇنى تاڭەرتەڭ اۋعانستان پرەزيدەنتى اشراف گاني ءۇش ايعا دەيىن تاليبانمەن اتىستى توقتاتۋ تۋرالى ءبىر جاقتى شەشىمىن جاريالادى. سودان بىرنەشە ساعات بۇرىن بۇلىكشىلدەردىڭ سولتۇستىكتەگى ءبىر ايماققا باسىپ كىرگەنىن جانە بىرنەشە ونداعان قاۋىپسىزدىك قىزمەتكەرىن ولتىرگەنىن راستاعان ەدى.

اۋعانستان ۇكىمەتى كەزەكتى بىرجاقتى اتىس توقتاتۋ شەشىمىن قۇربان ايتقا وراي جاريالاعانىن جەتكىزدى.

تالىپتەر جاعىنان پرەزيدەنتى گانيدىڭ شەشىمىنە ءالى جاۋاپ بەرىلگەن جوق.

“The Qazaq Times”