Тәліптер жексенбі күні тағы бір ауданға шабуыл жасады. Фото: VOA,

АҚШ-тың мемлекеттік хатшысы Помпео жексенбі күні мәлімдеме жасап, АҚШ-тың Ауғанстан үкіметі мен Талибан арасындағы тікелей келіссөздерге қолдау көрсетуге, қатысуға және ұйымдастыруға дайын екенін жеткізді. Осы күні Ауғанстан президенті Гани үкімет пен тәліптер арасында жаңа атыс тоқтату келісімін жариялаған болатын.

Помпео сөзінде: «Құрама Штат атысты тоқтату жаңа келісіміне қолдау көрсетеді. Бұл бастама Ауғанстан халқының бейбітшілікке деген сұранысына деген нақты жауап», – деді.

Мәлімдемеде: «Осыдан бұрынғы атысты тоқтату кезінде ауған халқы бейбітшілікке деген терең сезімі мен ұмтылысын көрсете алды. Біз кезекті атысты тоқтату бастамасының ауған халқына тыныштық әкелуін әрі бұл тыныштықтың ұзағынан болуын үміт етеміз», – делінген.

Жексенбі күні таңертең Ауғанстан президенті Ашраф Гани Үш айға дейін Талибанмен атысты тоқтату туралы бір жақты шешімін жариялады. Содан бірнеше сағат бұрын бүлікшілдердің солтүстіктегі бір аймаққа басып кіргенін және бірнеше ондаған қауіпсіздік қызметкерін өлтіргенін растаған еді.

Ауғанстан үкіметі кезекті біржақты атыс тоқтату шешімін Құрбан айтқа орай жариялағанын жеткізді.

Тәліптер жағынан президенті Ганидің шешіміне әлі жауап берілген жоқ.

“The Qazaq Times”