Tälipter Gaznige basıp kirdi. Foto: VOA.

Auğanstandağı Taliban küşteri ortalıq qala Kabulğa 150 şaqırım jerdegi Gazni qalasına şabuıl jasadı. Tälibter men ükimetke qarastı qarulı küşter arasındağı swrapıl qaqtığıs bügin tüsten bwrın bolğan. Bwl turalı VOA aqparattıq qızmeti habarladı.

Jergilikti biliktiñ ökilderi men twrğındarı da qarulı qaqtığıstardıñ qala işinde bolıp jatqanın rastap, habar taratqan.

Tälibterdiñ BAQ-qa bwl turalı bergen mälimetinde, Taliban küşteri beysenbi küni tünde Gazni provinciyasınıñ ortalığında onnan astam äskeri operaciya jasap, köptegen qaru-jaraq pen oq-därilerdi basıp alğandarın habarlağan. Qazirge deyin tälibterdiñ bwl mälimetin rastaytın nemese joqqa şığaratın derbes aqparat közderi joq.

Auğanstandıq BAQ bolsa, qaqtığısqa baylanıstı Kabul men Gazni arasındağı joldardıñ jabılğanın habarladı. Soñğı birneşe ay işinde Gaznidegi qauipsizdik mäselesiniñ qiınday tüskeni turalı aqparattar taralıp jatqan.

“The Qazaq Times”