Foto: eadaily.com

Saud-Arabiya biligi Kanadamen medicina salasındağı  ıntımaqtastığın toqtatıp, onda emdelip jatqan azamattarınıñ bärin özge elderge auıstıruda. Bwl turalı Saud-Arabiyası Densaulıq saqtau ministrliginiñ AQŞ pen Kanadadağı ökili Fahd bin Ibrahim Äl Tamimi mälimdedi dep habarlaydı «timeturk.com».

"Kanadadağı medicinalıq bağdarlamalardıñ bäri toqtatıldı. Saud-Arabiyasınıñ azamattarı özderiniñ qauipsizdigi üşin Kanadadağı em-domdarın toqtatadı",  - dep tüsindirgen Äl Tamimi.

Bwdan bwrın da saytımızda jazğanımızday, Är-Riad pen Ottovanıñ arasındağı kikiljiñ Saudiya biligi 2012 jılı twtqındalğan bloger Raif Badavidiñ äpkesi, qwqıq qorğauşı Samar Badavidi qamauğa alğannan keyin bastalğan edi. Eske sala ketsek, osı jıldıñ mausım ayında saudiyalıq äyelderdiñ avtokölik jürgizulerine salınğan tıyım alıp tastalğan edi. Osığan qarsı şığuşı belsendilerdiñ twtqındauına baylanıstı, Kanada SİM basşısı Hristya Friland 2 tamız küni osı oqiğağa qattı alañdaytının habarlağan edi. Keyin Saudiya korol'digi kanadalıq elşini «persona non-grata» dep atap, onı 24 sağat işinde Saud-Arabiyası territoriyasınan ketuin talap etti. Sonımen qatar, Kanadamen investiciyalıq jäne saudalıq tranzakciyanı bwğattauğa şeşim de qabıldağan bolatın. Qazirgi uaqıtta atalğan eki el arasındağı şielenis halıqaralıq deñgeyge jetip, oğan AQŞ-ta öz wstanımın bildirip, bwl dauğa aralaspaytının mälimdedi. Sonımen qatar, memlekettik "Saudi" aviakompaniyası Kanadağa wşatın reysterdi alıp tastadı.

 “The Qazaq Times”