Türkiya prezidenti Rejep Tayıp Erdoğan Qorğanıs önerkäsibiniñ atqaru komitetiniñ jinalısın aştı. Bwl jinalısta Türkiya Qorğanıs önerkäsibiniñ auqımdı jobaları talqığa tüspek. «Anadolı» aqparattıq agenttigi habarladı.

NATO müşelerimen birlesip qorğanudıñ senimsizdigi Türkiyanı Resey äue qorğanıs jüyelerin satıp aluğa itermeledi. Al, NATO men Türkiya arasındağı senimdilik azayğan twsta, Türkiya derbes qorğanıs quatın arttıruğa bar küşin salıp jatqanı belgili. Erdoğan Türkiyanıñ qorğanıs salasında şetelge täuelsiz etudi referendum aldında da uäde etken bolatın.

Qorğanıs önerkäsibi atqaru komitetiniñ kezekti jinalısında, türik qarulı küşteri jäne İşki ister ministrligine qarastı qauipsizdik küşterin qajettilikke qaray, zamanaui qaru-jaraq jäne kölikpen qamtamasız mäselelerin talqıladı. Osığan qatıstı auqımdı 48 joba ortağa salınıp, talqılanğan.

Atalğan komitettiñ mindetinde, otandıq qajettilikti ötegennen keyin şeteldik tapsırıstardı da orındau jüktelgen.

NATO men Türkiya arasında reseylik äue qorğanıs jüyesin satıp alu dau-şarı kezinde Ankara tarabı «Bolaşaqta otandıq äue qorğanıs qwrılğıların jasap şığaratın bolamız» – degen mälimdeme de jasağan.

“The Qazaq Times”