Irannıñ SİM ökili AQŞ sankciyasın sınğa aldı. Foto: IRNA.

Iran Sırtqı ister ministriliginiñ resmi ökili Bahram Ğasemi AQŞ-tıñ Iranğa qaratqan sankciyası turalı pikir bildirip, bwl şaranıñ eşqanday paydasız jäne nätijesiz ekenin aytqan. Bwl turalı IRNA aqparattıq agenttigi habarladı. 

Bahram Ğasemidiñ aytuınşa AQŞ sankciyası Irannıñ ekonomikalıq qwrılımına aytarlıqtay ülken äser ete qoymaydı. Bwğan Irannıñ öñirdegi mañızdı strategiyalıq orını men ıqpalı sebep bolatının alğa tartqan. Ol sözinde: «Iran aymaqtağı salmağı bar elderdiñ biri jäne qazirgi kezde jahandıq qoldauğa ie. Älem elderiniñ kompaniyaları AQŞ-tıñ qoqan-loqısına qaramastan Iranmen ıntımaqtastıq ornatuğa ıntalı», – dedi.

Iran lauazımdılarınıñ aytuınşa bwl teketirestegi jeñiluşi AQŞ prezidenti bolmaq eken. Alayda, qazirgi kezde Irannıñ işki äleumettik tolquı barğan sayın küşeyip keledi. Ükimet lauazımdıları kezegimen mälimdeme jasap, «Iran halqın kezekti qiınşılıqtan da tınıştıqpen ötuge» şaqıruda.

“The Qazaq Times”