Oñtüstik Afrikada oqqa wşqan reseylik jurnalister. Foto: SERGEI SAVOSTYANOV/TASS/BBC.

Seysenbi küni Oñtüstik Afrikada reseylik jurnalister Orhan Djemal', rejisser Aleksandr Rastornuev jäne operator Kirill Radçenkolardıñ köp jerinen oq tigen öli deneleri tabılğan bolatın. Bwl turalı habar taratqan TASS aqparattıq agenttigi, jergilikti aqparat közderine silteme jasay otırıp, qandıqoldar  mwsılmandardıñ «Seleka» belsendiler wyımınıñ sodırları dep körsetti. 

Habarğa qarağanda, reseylik jornalşılar Oñtüstik Afrikağa derekti fil'm tüsiruge barğan. Olar jergilikti qauipsizdik qızmetkerlerin ertpesten, Oñtüstik Afrikanıñ eñ qauipti aymaqtarında jürgen.

TASS aqparattıq agenttiginiñ körsetkeninen basqa da türli boljamdar aytıluda. Jurnalisterge şabuıl jasalğan jerge jaqın mañdağı Sibyu qalasınıñ meri Anri Depele jasağan mälimdemede, jurnalister otırğan kölik Sibuta qalasına 23 şaqırım qaşıqtıqqa barğanda qwraldı sodırlardıñ şabuılına wşırağan. Jurnalister sol arada köz jwmğanımen, kölik jürgizuşi aman qalğan. Onıñ atalğan şaharğa qalay jetkeni tekserilu üstinde.

Keybir mälimetterde reseylik jurnalisterdi jüzderin jasırğan, arabşa söyleytin bir top qwraldı adamdar 30 mausım küni barımtalap äketken delinedi. Degenmen olardıñ salauatı turalı anıq mälimet joq.

Qol saludıñ maqsatı da anıq emes. Qwraldı top jurnalisterdiñ özimen birge alıp jürgen 8 mıñ AQŞ dolları men qımbat bağalı apparaturaların qolğa tüsirudi közdegen degen boljamdı jergilkiti policiya tarabı ayttı. Policiya mälimdemesine silteme jasağan BBC-diñ habarında, qastandıq isi bolğan orınnan aqşa men apparaturalardıñ tabılmağanın alğa tartadı.

 “The Qazaq Times”