وڭتۇستىك افريكاداعى رەسەيلىك جۋرناليستەردىڭ ءولىمى: تەررورلىق شابۋىل ما، توناۋ ما؟

سەيسەنبى كۇنى وڭتۇستىك افريكادا رەسەيلىك جۋرناليستەر ورحان دجەمال، رەجيسسەر الەكساندر راستورنۋەۆ جانە وپەراتور كيريلل رادچەنكولاردىڭ كوپ جەرىنەن وق تيگەن ءولى دەنەلەرى تابىلعان بولاتىن. بۇل تۋرالى حابار تاراتقان تاسس اقپاراتتىق اگەنتتىگى، جەرگىلىكتى اقپارات كوزدەرىنە سىلتەمە جاساي وتىرىپ، قاندىقولدار  مۇسىلمانداردىڭ «سەلەكا» بەلسەندىلەر ۇيىمىنىڭ سودىرلارى دەپ كورسەتتى. 

حابارعا قاراعاندا، رەسەيلىك جورنالشىلار وڭتۇستىك افريكاعا دەرەكتى فيلم تۇسىرۋگە بارعان. ولار جەرگىلىكتى قاۋىپسىزدىك قىزمەتكەرلەرىن ەرتپەستەن، وڭتۇستىك افريكانىڭ ەڭ قاۋىپتى ايماقتارىندا جۇرگەن.

تاسس اقپاراتتىق اگەنتتىگىنىڭ كورسەتكەنىنەن باسقا دا ءتۇرلى بولجامدار ايتىلۋدا. جۋرناليستەرگە شابۋىل جاسالعان جەرگە جاقىن ماڭداعى سيبيۋ قالاسىنىڭ مەرى انري دەپەلە جاساعان مالىمدەمەدە، جۋرناليستەر وتىرعان كولىك سيبۋتا قالاسىنا 23 شاقىرىم قاشىقتىققا بارعاندا قۇرالدى سودىرلاردىڭ شابۋىلىنا ۇشىراعان. جۋرناليستەر سول ارادا كوز جۇمعانىمەن، كولىك جۇرگىزۋشى امان قالعان. ونىڭ اتالعان شاھارعا قالاي جەتكەنى تەكسەرىلۋ ۇستىندە.

كەيبىر مالىمەتتەردە رەسەيلىك جۋرناليستەردى جۇزدەرىن جاسىرعان، ارابشا سويلەيتىن ءبىر توپ قۇرالدى ادامدار 30 ماۋسىم كۇنى بارىمتالاپ اكەتكەن دەلىنەدى. دەگەنمەن ولاردىڭ سالاۋاتى تۋرالى انىق مالىمەت جوق.

قول سالۋدىڭ ماقساتى دا انىق ەمەس. قۇرالدى توپ جۋرناليستەردىڭ وزىمەن بىرگە الىپ جۇرگەن 8 مىڭ اقش دوللارى مەن قىمبات باعالى اپپاراتۋرالارىن قولعا ءتۇسىرۋدى كوزدەگەن دەگەن بولجامدى جەرگىلكىتى پوليتسيا تارابى ايتتى. پوليتسيا مالىمدەمەسىنە سىلتەمە جاساعان BBC-ءدىڭ حابارىندا، قاستاندىق ءىسى بولعان ورىننان اقشا مەن اپپاراتۋرالاردىڭ تابىلماعانىن العا تارتادى.

 “The Qazaq Times”