Ormuz bwğazı – älem mwnay tasımalınıñ küre tamırı. Foto: Oil Price.

Iran men AQŞ arasındağı teke-tires küşeygen sayın Batıs elderi özderine jetetin mwnay tasımal jolınıñ özegi Ormuz bwğazınıñ jabılıp qaluınan qattı alañdauda. Jaqında Iraktıñ osı saladağı sarapşı mamanı bwl turalı pikir bildirip: «Öñirdegi qayşılıqtar saldarınan Ormuz bwğazı jabılatın bolsa, mwnaydıñ är barreli 400 AQŞ dollarına deyin qımbattaydı», – degen boljam ayttı. Bwl turalı IRNA aqparattıq agenttigi habarladı.

Iraktıñ «äl-Malume» arnasına swhbat bergen halıqaralıq sayasi sarapşı Hamza Javheri sözinde: «Ormuz bwğazınıñ jabıluı Batıstağı industriyaldı elderdiñ köbi ekonomikalıq qwldırauğa wşıraydı. Bwl elderdiñ öndirisi mwnayğa köbirek täueldi. Ormuz bwğazınıñ jabıluı Üşinşi düniejüzilik soğıstıñ bastaluına aparıp soğadı», – dedi.

Ötken aptada AQŞ-Iran arasındağı asqına tüsken qayşılıq älem nazarın özine audarğan bolatın. Eki eldiñ basşıları bir-birine qatañ eskertuler jasap, tipti küş qoldanudan tayınbaytının da aytqan edi.

“The Qazaq Times”