ورمۋز بۇعازى – الەم مۇناي تاسىمالىنىڭ كۇرە تامىرى. فوتو: Oil Price.

يران مەن اقش اراسىنداعى تەكە-تىرەس كۇشەيگەن سايىن باتىس ەلدەرى وزدەرىنە جەتەتىن مۇناي تاسىمال جولىنىڭ وزەگى ورمۋز بۇعازىنىڭ جابىلىپ قالۋىنان قاتتى الاڭداۋدا. جاقىندا يراكتىڭ وسى سالاداعى ساراپشى مامانى بۇل تۋرالى پىكىر ءبىلدىرىپ: «وڭىردەگى قايشىلىقتار سالدارىنان ورمۋز بۇعازى جابىلاتىن بولسا، مۇنايدىڭ ءار باررەلى 400 اقش دوللارىنا دەيىن قىمباتتايدى»، – دەگەن بولجام ايتتى. بۇل تۋرالى IRNA اقپاراتتىق اگەنتتىگى حابارلادى.

يراكتىڭ «ءال-مالۋمە» ارناسىنا سۇحبات بەرگەن حالىقارالىق ساياسي ساراپشى حامزا جاۆحەري سوزىندە: «ورمۋز بۇعازىنىڭ جابىلۋى باتىستاعى يندۋستريالدى ەلدەردىڭ كوبى ەكونوميكالىق قۇلدىراۋعا ۇشىرايدى. بۇل ەلدەردىڭ ءوندىرىسى مۇنايعا كوبىرەك تاۋەلدى. ورمۋز بۇعازىنىڭ جابىلۋى ءۇشىنشى دۇنيەجۇزىلىك سوعىستىڭ باستالۋىنا اپارىپ سوعادى»، – دەدى.

وتكەن اپتادا اقش-يران اراسىنداعى اسقىنا تۇسكەن قايشىلىق الەم نازارىن وزىنە اۋدارعان بولاتىن. ەكى ەلدىڭ باسشىلارى ءبىر-بىرىنە قاتاڭ ەسكەرتۋلەر جاساپ، ءتىپتى كۇش قولدانۋدان تايىنبايتىنىن دا ايتقان ەدى.

“The Qazaq Times”