BRICS sammitiniñ qatısuşı elderi. Foto: Anadolı.

Oñtüstik Afrikada ötken BRICS mäjilisiniñ ortaq deklaraciyası Batıs äleminde qojıray tüsken erkin sauda qatınasın älemdik deñgeyde qayta qalpına keltiruge bağıttalıp jasaldı. Braziliya, Resey, Ündistan, Qıtay jäne Oñtüstik Afrika sammiti älemdik erkin sauda qatınasın qorğau men aymaqtardağı qaqtığıstardı retteudi taqırıp etken bolatın.

10-şı ret ötip otırğan BRICS sammitiniñ qorıtındı deklaraciyasında: «Düniejüzilik sauda wyımınıñ erejeleri ayasında älemdik erkin sauda qatınasın qorğaymız jäne damıtamız» delingen. Deklaraciyada älem ekonomikası tek qana aşıq, erkin sauda qatınasında ğana damitının bas aytqan.

Soñğı jıldarı, Europa men Amerikadağı keybir sayasi özgerister aytalıq, Wlıbritaniyanıñ EO-dan bas tartuı, Tramptıñ AQŞ prezidenti bolıp saylanuı damuşı elderdi jandandırğan erkin sauda qatınasın qayta qarauğa itermeledi. Äsirese, Qwrama Ştattıñ köpjaqtı kelisimderdiñ birqatarınan bas tartıp, eki nemese üş jaqtı kelisimder arqılı sauda sayasatın wstanuı erkin sauda qatınasına keri ıqpaldar ete bastadı. Damuşı elderdiñ köş basında twrğan atalğan bes memleket qazir Batısta qojırap qalğan erkin sauda qatınasın qorğaudı tübirli müddeleri retinde qarastırıp otır.

“The Qazaq Times”