Irannıñ «Äl Qwdıs» arnayı äskeri bölimşesiniñ basşısı Kasem Süleymani AQŞ prezidenti Donal'd Tramptı özinen bwrınğı prezidentterdi esine tüsirip, olardıñ qatelerin qaytalamauğa şaqırdı. K.Süleymani bügin, 26 şilde küni AQŞ-tı  Qızıl teñizge äsker jiberuden saqtandırıp, bwdan bılay teñizdiñ amerikalıqtarğa qauipsiz boluı mümkin emestigin eskertti, - dep habarlaydı lemonde.fr.

«Amerikalıqtar üşin qauipsiz aymaqqa aynalğan Qızıl teñiz endi olay bolmaydı". D.Tramptıñ küni keşe Iranğa qarsı jasağan mälimdesine qatıstı osılay mälimdeme jasağan Irannıñ «Äl-Qwdıs» äskeri arnayı bölimşesiniñ basşısı Trampqa: «Sen soğıs bastauıña boladı, alayda onıñ nüktesin biz qoyamız» dedi. Biraq, ol "soğıstıñ ayaqtaluı" turalı sözi arqılı neni meñzegenin naqtı aşıp aytpadı. «Äl-Qwdıs» bölimşesi Amerika äskerlerine jau. Men oğan (Amerika prezidenti - red.) AQŞ-tıñ özine deyingi prezidentterin esine alıp, olardıñ qatelerin qaytalamauğa şaqıramın. AQŞ prezidenti bizdiñ onıñ qanda qadam jasaytının kütetinimizdi jäne eşteñeden tayınbaytınımızdı bilui tiis», - degen K.Süleymani.

Eske salayıq, osığan deyin AQŞ prezidenti öziniñ «Twitter» äleumettik jelisindei paraqşasında Iran prezidenti Hasan Ruhanige eger ol Uaşingtonğa qarsılığın toqtatpasa, qiın jağdayda qalatını turalı jazba qaldırğan edi. Onıñ osı mälimdemesiniñ artınşa, Iran prezidenti de AQŞ-tı Islam Respublikasımen soğıstan saqtandırıp, onı «otpen oynamauğa» şaqırğan bolatın. Keybir mälimetterge qarağanda, «Äl-Qwdıs» irandıq arnayı bölimşeniñ basşısı Kasem Süleymani Irak ükimetiniñ äskeri keñesşisi de bolıp tabıladı. Ol BWW Qauipsizdik komitetiniñ sankciyalıq tizimine ilikken äri elden şığu qwqığınan ayırılğan. Osığan qaramastan, ol 2016 jılı Äl-Falludja qalasın DAIŞ terroristerinen bosatu üşin iraktıq äskerilerdiñ operaciyasına qatısqan.

“The Qazaq Times”