يراننىڭ «ءال قۇدىس» ارنايى اسكەري بولىمشەسىنىڭ باسشىسى كاسەم سۇلەيماني اقش پرەزيدەنتى دونالد ترامپتى وزىنەن بۇرىنعى پرەزيدەنتتەردى ەسىنە ءتۇسىرىپ، ولاردىڭ قاتەلەرىن قايتالاماۋعا شاقىردى. ك.سۇلەيماني بۇگىن، 26 شىلدە كۇنى اقش-تى  قىزىل تەڭىزگە اسكەر جىبەرۋدەن ساقتاندىرىپ، بۇدان بىلاي تەڭىزدىڭ امەريكالىقتارعا قاۋىپسىز بولۋى مۇمكىن ەمەستىگىن ەسكەرتتى، - دەپ حابارلايدى lemonde.fr.

«امەريكالىقتار ءۇشىن قاۋىپسىز ايماققا اينالعان قىزىل تەڭىز ەندى ولاي بولمايدى". د.ترامپتىڭ كۇنى كەشە يرانعا قارسى جاساعان مالىمدەسىنە قاتىستى وسىلاي مالىمدەمە جاساعان يراننىڭ «ءال-قۇدىس» اسكەري ارنايى بولىمشەسىنىڭ باسشىسى ترامپقا: «سەن سوعىس باستاۋىڭا بولادى، الايدا ونىڭ نۇكتەسىن ءبىز قويامىز» دەدى. بىراق، ول "سوعىستىڭ اياقتالۋى" تۋرالى ءسوزى ارقىلى نەنى مەڭزەگەنىن ناقتى اشىپ ايتپادى. «ءال-قۇدىس» بولىمشەسى امەريكا اسكەرلەرىنە جاۋ. مەن وعان (امەريكا پرەزيدەنتى - رەد.) اقش-تىڭ وزىنە دەيىنگى پرەزيدەنتتەرىن ەسىنە الىپ، ولاردىڭ قاتەلەرىن قايتالاماۋعا شاقىرامىن. اقش پرەزيدەنتى ءبىزدىڭ ونىڭ قاندا قادام جاسايتىنىن كۇتەتىنىمىزدى جانە ەشتەڭەدەن تايىنبايتىنىمىزدى ءبىلۋى ءتيىس»، - دەگەن ك.سۇلەيماني.

ەسكە سالايىق، وسىعان دەيىن اقش پرەزيدەنتى ءوزىنىڭ «Twitter» الەۋمەتتىك جەلىسىندەى پاراقشاسىندا يران پرەزيدەنتى حاسان رۋحانيگە ەگەر ول ۋاشينگتونعا قارسىلىعىن توقتاتپاسا، قيىن جاعدايدا قالاتىنى تۋرالى جازبا قالدىرعان ەدى. ونىڭ وسى مالىمدەمەسىنىڭ ارتىنشا، يران پرەزيدەنتى دە اقش-تى يسلام رەسپۋبليكاسىمەن سوعىستان ساقتاندىرىپ، ونى «وتپەن ويناماۋعا» شاقىرعان بولاتىن. كەيبىر مالىمەتتەرگە قاراعاندا، «ءال-قۇدىس» يراندىق ارنايى بولىمشەنىڭ باسشىسى كاسەم سۇلەيماني يراك ۇكىمەتىنىڭ اسكەري كەڭەسشىسى دە بولىپ تابىلادى. ول بۇۇ قاۋىپسىزدىك كوميتەتىنىڭ سانكتسيالىق تىزىمىنە ىلىككەن ءارى ەلدەن شىعۋ قۇقىعىنان ايىرىلعان. وسىعان قاراماستان، ول 2016 جىلى ءال-فاللۋدجا قالاسىن دايش تەرروريستەرىنەن بوساتۋ ءۇشىن يراكتىق اسكەريلەردىڭ وپەراتسياسىنا قاتىسقان.

“The Qazaq Times”