AQŞ memlekettik hatşısı Iranğa qatañ eskertu jasadı. Foto: VOA.

AQŞ-Iran arasındağı qayşılıq kün sanap üdey tüsude. Bir küni bwrın Qwrama Ştattıñ memlekettik hatşısı Mayk Pompeo mälimdeme jasap: «Irannıñ ükimeti äldeqaşan Iran halqınıñ qorqınıştı tüsine aynalğan. Alayda, Qwrama Ştat Iran rejimine joğarı deñgeydegi şabuıl bağıttaudan qorıqpaydı», – dedi. Ol sonımen birge, Qwrama Ştattıñ barlıq odaqtastarın Irandı qarjılay qısımğa aluğa şaqırğan. Bwl tural VOA jañalıqtar qızmeti habarladı.

Mayk Pompeo atalğan mälimdemesin jeksenbi küni prezident Reygan atındağı memlekettik kitaphanada jariya etken. Äri sol ortada tegi irandıq AQŞ azamattarı köp bolğan.

Pompeo sözinde Iran rejiminiñ qalıptasqan jağdayğa jauapkerşilik etpeytin, äreket jasauğa qabletsiz älsizdigin sınğa alğan jäne arandatu men özge de qitwrqı äreketterin jauapsız qaldırmaymız dep eskertti. Pospeo söz arasında Iran rejimin qaraqşılıq jüyege de wqsatıp ötken. «IIR-nıñ joğarı bileuşileri halıqtıñ baylığın sorıp, onıñ esesine terrorizmge qoldau körsetti. Sonday-aq, özge memleketterge islam revolyuciyasınıñ ideyasın taratuğa tırıstı», – dedi.

AQŞ memlekettik hatşısınıñ aytuınşa, Iran ekonomikası qazir «joğarı temperaturada» twr. Qazirgi ekonomikalıq tüzimnen tek joğarı bileuşiler ğana payda tabadı. Pompeo Ayatolla Homeyni bastağan joğarı jikterdiñ elden jasırğan milliardtağan dollarğa teñ qarjısı bola twra, irandıqtardıñ üşten biri kedeylikte ömir sürip otırğanın ayttı. Osımen birge, Pompeo Irandağı söz bostandığın da auır sınnıñ astına alğan.

AQŞ lauazımdısınıñ atalğan mälimdemesinen belgili bolğanday, Iran halqınıñ internet cenzurasınan qwtılu üşin AQŞ ükimeti irandıqtarğa qoljetimdi arnalardı qwruğa kömektesetinin anıq boldı. Degenmen, onıñ bwl sözderi Iran ükimetiniñ şımbayına batatını anıq. Ol jäne eki el arasındağı arazdıqtı qaqtığısqa qaray jaqındata tüspek.

“The Qazaq Times”