Foto: lemonde.fr

QHR-nıñ basşısı Şi Jinpiñ (Si Czin'pin/Xi Jinping) 29 jıl degende alğaş ret Birikken Arab Ämirlikterine memlekettik resmi saparmen bardı. Bwl turalı fr.euronews.com habarlaydı.

Şi Jiñpiñniñ wşağı eldiñ äue keñistigine kirgennen bastap BAÄ joyğıştarı tarapınan qarsı alınğan. Sonımen qatar, äuejayda Qıtay basşısınıñ kelu qwrmetine saltanattı şara wyımdastırılğan.  Şi Jiñpiñ Qıtay ükimetiniñ atınan BAÄ-niñ barlıq twrğındarına ıstıq lebizin joldap, «34 jıl bwrın Qıtay men BAÄ arasında diplomatiyalıq baylanıs ornatılğannan beri eki eldiñ tatulığına eş sızat tüspedi»,  - degen. BAÄ-niñ prem'er-ministri men mwrager hanzadası Şi Jiñpiñdi jılı qarsı alıp, onıñ osı saparı ekijaqtı strategiyalıq qarım-qatınastardıñ damuında ülken röl atqaranın aytqan. BAÄ-nen keyin Şi Jiñpiñ Yohannesburgtegi BRIKStiñ 10-sammitine qatısu üşin Senegal, Ruandu jäne Oñtüstik Afrika elderine barmaq. Şi Jiñpiñniñ joğarıda atalğan mwsılman elderine resmi saparındağı bastı közdegeni — osı memlekettermen sauda jäne investiciya salalarındağı qarım-qatınasın bekitu. Osığan qarağanda, Qıtay öziniñ "Bir jol — bir beldeu" ("Wlı Jibek jolı") bastamasına süyene otırıp, endi mwsılman elderin de infraqwrılım salasında ıntımaqtasuğa şaqıruı mümkin dep kütilude.

“The Qazaq Times”