فوتو: lemonde.fr

قحر-نىڭ باسشىسى شي جينپيڭ (سي تسزينپين/Xi Jinping) 29 جىل دەگەندە العاش رەت بىرىككەن اراب امىرلىكتەرىنە مەملەكەتتىك رەسمي ساپارمەن باردى. بۇل تۋرالى fr.euronews.com حابارلايدى.

شي ءجيڭپيڭنىڭ ۇشاعى ەلدىڭ اۋە كەڭىستىگىنە كىرگەننەن باستاپ ءباا جويعىشتارى تاراپىنان قارسى الىنعان. سونىمەن قاتار، اۋەجايدا قىتاي باسشىسىنىڭ كەلۋ قۇرمەتىنە سالتاناتتى شارا ۇيىمداستىرىلعان.  شي جيڭپيڭ قىتاي ۇكىمەتىنىڭ اتىنان ءباا-ءنىڭ بارلىق تۇرعىندارىنا ىستىق لەبىزىن جولداپ، «34 جىل بۇرىن قىتاي مەن ءباا اراسىندا ديپلوماتيالىق بايلانىس ورناتىلعاننان بەرى ەكى ەلدىڭ تاتۋلىعىنا ەش سىزات تۇسپەدى»،  - دەگەن. ءباا-ءنىڭ پرەمەر-ءمينيسترى مەن مۇراگەر حانزاداسى شي ءجيڭپيڭدى جىلى قارسى الىپ، ونىڭ وسى ساپارى ەكىجاقتى ستراتەگيالىق قارىم-قاتىناستاردىڭ دامۋىندا ۇلكەن ءرول اتقارانىن ايتقان. ءباا-نەن كەيىن شي جيڭپيڭ يوحاننەسبۋرگتەگى بريكستىڭ 10-سامميتىنە قاتىسۋ ءۇشىن سەنەگال، رۋاندۋ جانە وڭتۇستىك افريكا ەلدەرىنە بارماق. شي ءجيڭپيڭنىڭ جوعارىدا اتالعان مۇسىلمان ەلدەرىنە رەسمي ساپارىنداعى باستى كوزدەگەنى — وسى مەملەكەتتەرمەن ساۋدا جانە ينۆەستيتسيا سالالارىنداعى قارىم-قاتىناسىن بەكىتۋ. وسىعان قاراعاندا، قىتاي ءوزىنىڭ ء"بىر جول — ءبىر بەلدەۋ" ("ۇلى جىبەك جولى") باستاماسىنا سۇيەنە وتىرىپ، ەندى مۇسىلمان ەلدەرىن دە ينفراقۇرىلىم سالاسىندا ىنتىماقتاسۋعا شاقىرۋى مۇمكىن دەپ كۇتىلۋدە.

“The Qazaq Times”