Tramp-Putin sammitiniñ bir säti., Foto: slate.com.

AQŞ-Resey taraptarınıñ taratqan resmi mälimdemelerinde, Tramp pen Putinniñ tarihi kezdesuinde eki el basşısı jasırın kelisim jasaspağanın qaytalay mälimdedi. Bwnday mälimetti Reseydiñ AQŞ-tağı elşisi jasağan resmi mälimdemesinde atap ötti.

Reseydiñ AQŞ-tağı ökiletti elşisi Anatoliy Antonov baspasöz mäjilisin ötkizip, Finlyandiyanıñ ortalıq qalasında ötken tarihi kezdesu turalı resmi mälimdeme jasadı. Ol jäne AQŞ prezidenti Donal'd Tramp pen Resey prezidenti Vladimir Putin arasında eşbir jasırın kelisim bolmağanın qaytaladı.

Anatoliy Antonov sözinde: «Eki basşı arasında jasırın kelisimniñ bolmağanın prezident Putin öz auzımen aytıp berdi», – dedi. Degenmen, täuelsiz aqparat qwraldarı Tramp-Putin arasında qandayda bir jasırın kelisimder jasalğan boluı mümkin dep kümändanadı.

Reseydiñ ökiletti elşisi osımen qatar Reseydi AQŞ-tıñ işki isine aralastı degen ayıptıda şetke qağıp, äli künge deyin naqtı däleldiñ tabılmay otırğanın alğa tarttı.

 “The Qazaq Times”