ترامپ-پۋتين ءسامميتىنىڭ ءبىر ءساتى.، فوتو: slate.com.

اقش-رەسەي تاراپتارىنىڭ تاراتقان رەسمي مالىمدەمەلەرىندە، ترامپ پەن ءپۋتيننىڭ تاريحي كەزدەسۋىندە ەكى ەل باسشىسى جاسىرىن كەلىسىم جاساسپاعانىن قايتالاي مالىمدەدى. بۇنداي مالىمەتتى رەسەيدىڭ اقش-تاعى ەلشىسى جاساعان رەسمي مالىمدەمەسىندە اتاپ ءوتتى.

رەسەيدىڭ اقش-تاعى وكىلەتتى ەلشىسى اناتولي انتونوۆ ءباسپاسوز ءماجىلىسىن وتكىزىپ، فينليانديانىڭ ورتالىق قالاسىندا وتكەن تاريحي كەزدەسۋ تۋرالى رەسمي مالىمدەمە جاسادى. ول جانە اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين اراسىندا ەشبىر جاسىرىن كەلىسىم بولماعانىن قايتالادى.

اناتولي انتونوۆ سوزىندە: «ەكى باسشى اراسىندا جاسىرىن كەلىسىمنىڭ بولماعانىن پرەزيدەنت پۋتين ءوز اۋزىمەن ايتىپ بەردى»، – دەدى. دەگەنمەن، تاۋەلسىز اقپارات قۇرالدارى ترامپ-پۋتين اراسىندا قاندايدا ءبىر جاسىرىن كەلىسىمدەر جاسالعان بولۋى مۇمكىن دەپ كۇماندانادى.

رەسەيدىڭ وكىلەتتى ەلشىسى وسىمەن قاتار رەسەيدى اقش-تىڭ ىشكى ىسىنە ارالاستى دەگەن ايىپتىدا شەتكە قاعىپ، ءالى كۇنگە دەيىن ناقتى دالەلدىڭ تابىلماي وتىرعانىن العا تارتتى.

 “The Qazaq Times”