Iraktıñ oñtüstiginde bir aptadan beri jalğasqan köterilisterde 5 adam qaza tauıp, 190 adam auır jaraqat alğan. Olardıñ köpşiligi qauipsizdik küşteriniñ qızmetkerleri.  Bwl turalı türkiyalıq «sondakika32.com» agenttigi habarlaydı.

Irak parlamentine qarastı Adam Qwqıqtarı Täuelsiz Joğarı komissariatı eldiñ oñtüstiginde bir aptadan beri toqtausız jalğasqan köteriliske qatıstı statistika jwmıstarınıñ äli jürgiziletinin habarlağan. Atalğan komissariat müşesi Fadıl äl-Garavi bwl köteriliske eldegi joqşılıq, jemqorlıq mäseleleriniñ artuı men elektr köziniñ toqtatıluı sebep bolğanın habarlağan. Iraktıñ birden bir tabıs közi sanalatın äri mwnay eksportınıñ auqımdı böligin öndiretin Basra qalasında 8 şilde küni bastalğan köterilis Zikar, Vavilon, Meysan, Divaniya, Nadjaf jäne Bağdat qalalarına jetken. Ayta ketu kerek, twrmısqa qajetti qızmetterdiñ retteluin talap etken köterilis su jäne elektr energiyası salasındağı aqaulıqtar, jwmıssızdıq jäne memlekettik mekemelerdegi jemqorlıqqa qarsı bastalğan.

“The Qazaq Times”