فوتو: dw.com/tr

يراكتىڭ وڭتۇستىگىندە ءبىر اپتادان بەرى جالعاسقان كوتەرىلىستەردە 5 ادام قازا تاۋىپ، 190 ادام اۋىر جاراقات العان. ولاردىڭ كوپشىلىگى قاۋىپسىزدىك كۇشتەرىنىڭ قىزمەتكەرلەرى.  بۇل تۋرالى تۇركيالىق «sondakika32.com» اگەنتتىگى حابارلايدى.

يراك پارلامەنتىنە قاراستى ادام قۇقىقتارى تاۋەلسىز جوعارى كوميسسارياتى ەلدىڭ وڭتۇستىگىندە ءبىر اپتادان بەرى توقتاۋسىز جالعاسقان كوتەرىلىسكە قاتىستى ستاتيستيكا جۇمىستارىنىڭ ءالى جۇرگىزىلەتىنىن حابارلاعان. اتالعان كوميسساريات مۇشەسى فادىل ءال-گاراۆي بۇل كوتەرىلىسكە ەلدەگى جوقشىلىق، جەمقورلىق ماسەلەلەرىنىڭ ارتۋى مەن ەلەكتر كوزىنىڭ توقتاتىلۋى سەبەپ بولعانىن حابارلاعان. يراكتىڭ بىردەن ءبىر تابىس كوزى سانالاتىن ءارى مۇناي ەكسپورتىنىڭ اۋقىمدى بولىگىن وندىرەتىن باسرا قالاسىندا 8 شىلدە كۇنى باستالعان كوتەرىلىس زيكار، ۆاۆيلون، مەيسان، ديۆانيا، نادجاف جانە باعدات قالالارىنا جەتكەن. ايتا كەتۋ كەرەك، تۇرمىسقا قاجەتتى قىزمەتتەردىڭ رەتتەلۋىن تالاپ ەتكەن كوتەرىلىس سۋ جانە ەلەكتر ەنەرگياسى سالاسىنداعى اقاۋلىقتار، جۇمىسسىزدىق جانە مەملەكەتتىك مەكەمەلەردەگى جەمقورلىققا قارسى باستالعان.

“The Qazaq Times”