Foto: worldbulletin.net

Birikken Wlttar wyımı tarihta alğaş ret köşi-qon turalı kelisimşarttıñ mätinin maqwldadı. Bwl turalı BWW Bas Assambleyasınıñ törağası Miroslav Layçak mälimdegen. Endi, osı atalğan resmi qwjat osı jıldıñ soñında Marokkoda ötetin jeltoqsan konferenciyasında qabıldanadı, - dep habarlaydı lemonde.fr.

Diplomattıñ sözinşe, qwjat adam qwqıqtarın baqılau men memlekettiñ egemendigin saqtaudıñ ara-qatınasında tiimdi äri ortaq mämile tabuğa kömektesedi. Sonımen qatar, atalğan kelisimşart bosqındardıñ sanın azaytuğa bağıttalmağan, alayda wyımğa bosqındarğa qatıstı keleñsizdikterdiñ aldın aluda memleketterdiñ ıntımaqtastığı men belsendiligin arttıru üşin mümkindik beredi. Negizinen, bosqındardıñ qwqıqtarına bağıttalğan qwjat mätini bir jarım jıl boyı tekserilgen. Layçaktıñ aytuınşa, osı merzim işine 2,1 mıñ adam qaza tapqan, olardıñ 400-i balalar. Onda da, osı statistikağa adam saudasımen aynalısuşılardıñ qolına tüsken qız-kelinşekter engizilmegen.

Mausım ayınıñ soñında Euroodaq elderi kezekti sammit kezinde köşi-qon dağdarısın retteuge arnalğan kelisimşarttı maqwldağan edi. Endi, EO-ğa müşe elder bosqındardı erikti türde qabılday aladı. Alayda, odaq müşeleriniñ arasında olardı mindettep bölu qarastırılmağan.

 “The Qazaq Times”