Foto: fr.euronews.com

NATO elderi ötken jılmen salıstırğanda, qorğanısqa 33 mlrd dollar artıq qarjı jwmsamaq. Bwl turalı «france24.com/fr» agenttigi habarladı.

11-13 şilde künderi Bel'giya astanası Bryussel'de ötip jatqan NATO-nıñ sammitinde AQŞ prezidenti Donal'd Tramp NATO-ğa müşe 29 eldiñ tek 5-ui öz mindetterin atqaradı jäne qorğanısqa özderiniñ İJÖ-nen 2%  jwmsaydı, al AQŞ bärinen de artıq, yağni JİÖ-nen 4 % jwmsaydı degen bolatın. AQŞ basşısı keleşekte NATO-ğa müşe barlıq elderdiñ qorğanıs şığındarı olardıñ İJÖ-nen 4%-ğa deyin jetedi dep kütetinin de jasırmadı. Aqparat közderiniñ mälimetinşe, eger özge müşe-elder qorğanıs şığındarın arttırmasa, Tramp AQŞ-tıñ NATO qwramınan şığatının aytıp, eskertu jasağanın jazuda. Osı orayda, NATO sammitiniñ baspasöz otırısında bas hatşı Yens Stoltenberg Tramppen ekijaqtı äñgimeden keyin europalıq odaqtastar men Kanada qorğanıs salasına qosımşa 14 mlrd dollar şığaruğa kelisti dep mälimdedei. Onıñ aytuınşa, Al'yans müşeleri qorğanısqa jwmsalatın şığın kölemin arttıruğa kelisken. «Bwl AQŞ-qa özderiniñ şığındarın azaytuğa mümkindik beredi. Bügin odaqtastardıñ barlığı özderiniñ ülesterin arttıruğa kelisti. Bwl — NATO-nıñ äleuetin bwrınğıdan da arttıra tüsedi», - dedi Stoltenberg. Soltüstikatlantikalıq al'yanstıñ basşıları Makedoniyanıñ da atalğan wyımğa müşeligi turalı kelissözderdi aşuğa kelisti. Osı jıldıñ qorıtındı esebi boyınşa, NATO-nıñ İJÖ-nen 2 payızın qorğanısqa jwmsaytın europalıq müşeleri bwl körsetkişti 7-ge jetkizuge mindetteldi.

“The Qazaq Times”