Foto: orsam.org

Qıtay arab elderine jalpı soması 20 mlrd dollar qwraytın nesie beruge nietti. Sonımen qatar, Süriya, Iordaniya jäne Yemen elderine gumanitarlıq kömek jibermek. Bwl turalı «fr.euronews.com» agenttigi habarlaydı.

Mwnday mälimdemeni QHR basşısı Şi Jiniñ (Si Czin'pin) Beyjiñde ötken qıtay-arab ıntımaqtastıq Forumında Sırtqı ister ministrleriniñ aşıq jiınında mälimdegen. Onıñ sözinşe, Beyjiñ arab elderine «twrğındarınıñ jwmısqa ornalasuları üşin ülken mümkindikter tudıratın jäne qaytadan qwrıludı qajet etetin arab elderine äleumettik tiimdi ıqpal etetin jobalardı» jüzege asıruğa qarjı böledi. Ol sonday-aq, Qıtaydıñ Ortalıq Aziya, Şığıs Afrika jäne Ündi mwhitın Jerorta teñizimen baylanıstıratın porttar men temirjoldar qwrılısımen birge infraqwrılımdardı damıtuğa atsalısuğa dayın ekenin de atap ötti. Al, Süriya, Iordaniya jäne Yemen sekildi elderge gumanitarlıq kömek körsetuge Beyjiñ 90,5 mln dollar jwmsauğa dayın eken. Mäselen, üstimizdegi jıldıñ aqpan ayında Qıtaydıñ Süriyadağı elşisi Şi Cyan'czin' Süriyanıñ damuı men soğıs saldarınan keyin qayta qalıptasuı üşin Şam biligine auqımdı kömek körsetu josparı bar ekenin de jariyalağan edi. Qıtaydıñ osınşama kömek körsetu nietteriniñ astarında qanday maqsat bar boluı mümkin degen mäselede pikirler san aluan. Sonıñ işinde, qıtaylıqtardıñ bükil älemde özderiniñ äskeri belsendilikterin arttırudı köbirek maqsat twtatındıqtarı anıq. Mäselen, osı qañtar ayındağı resmi derekterden belgili bolğanday, olar Päkistanda äskeri-teñiz bazasın qwrudı közdegen edi.

“The Qazaq Times”