Wlıbritaniyada qauipsizdik jönindegi ministr Ben Uolles Eymsberidegi äyel men er adam ulanğan oqiğanı qasaqana jasalğan dep sanamaytının mälimdedi. Bwl turalı franciyalıq lemonde.fr basılımı habarlaydı.

Ministrdiñ sözine silteme jasağan aqparat köziniñ habarlauınşa, eki jwptıñ basına kelgen qayğılı jağdaydıñ Skripal'dardıñ oqiğasına eş qatısı joq. Boljam boyınşa, olar Reseydiñ Barlau qızmetiniñ bwrınğı oficeri men qızı ulanğan zattekterdiñ qaldıqtarınan zardap şekken boluları mümkin. Sonımen qatar, ministr äli de Sergey jäne YUliya Skripal'dardıñ ulanuına Reseydiñ qatısı bar dep esepteytinin aytqan.

Eske sala ketsek, 4 şilde küni britaniyalıq policeyler Solsberi tübinde tağı da ulanu oqiğası tirkelgeni turalı aqpar taratqan edi. Eymsberi qalaşığındağı bir ğimaratta 40 jastar şamasındağı äyel men er adam es-tüssiz küyde tabılğan edi. Olardıñ «belgisiz zattegi» paydalanğandarı anıqtalğan. Eymsberg 4 naurız küni Skripal'der ulanğan Solsberi qalasınan 15 şaqırımda ornalasqan.

Endi, osı oqiğağa oray, bügin 5 şilde küni  britaniyalıq "Cobra" ükimetiniñ tötenşe komiteti şwğıl otırıs ötkizude. Otırıstı Wlıbritaniyanıñ İşki ister ministri Sadjid Djavidtiñ jeke özi qolğa aluda.

“The Qazaq Times”