فوتو: ەيمسبەريدەگى وقيعا ورنى

ۇلىبريتانيادا قاۋىپسىزدىك جونىندەگى مينيستر بەن ۋوللەس ەيمسبەريدەگى ايەل مەن ەر ادام ۋلانعان وقيعانى قاساقانا جاسالعان دەپ سانامايتىنىن مالىمدەدى. بۇل تۋرالى فرانتسيالىق lemonde.fr باسىلىمى حابارلايدى.

ءمينيستردىڭ سوزىنە سىلتەمە جاساعان اقپارات كوزىنىڭ حابارلاۋىنشا، ەكى جۇپتىڭ باسىنا كەلگەن قايعىلى جاعدايدىڭ سكريپالداردىڭ وقيعاسىنا ەش قاتىسى جوق. بولجام بويىنشا، ولار رەسەيدىڭ بارلاۋ قىزمەتىنىڭ بۇرىنعى وفيتسەرى مەن قىزى ۋلانعان زاتتەكتەردىڭ قالدىقتارىنان زارداپ شەككەن بولۋلارى مۇمكىن. سونىمەن قاتار، مينيستر ءالى دە سەرگەي جانە يۋليا سكريپالداردىڭ ۋلانۋىنا رەسەيدىڭ قاتىسى بار دەپ ەسەپتەيتىنىن ايتقان.

ەسكە سالا كەتسەك، 4 شىلدە كۇنى بريتانيالىق پوليتسەيلەر سولسبەري تۇبىندە تاعى دا ۋلانۋ وقيعاسى تىركەلگەنى تۋرالى اقپار تاراتقان ەدى. ەيمسبەري قالاشىعىنداعى ءبىر عيماراتتا 40 جاستار شاماسىنداعى ايەل مەن ەر ادام ەس-ءتۇسسىز كۇيدە تابىلعان ەدى. ولاردىڭ «بەلگىسىز زاتتەگى» پايدالانعاندارى انىقتالعان. ەيمسبەرگ 4 ناۋرىز كۇنى سكريپالدەر ۋلانعان سولسبەري قالاسىنان 15 شاقىرىمدا ورنالاسقان.

ەندى، وسى وقيعاعا وراي، بۇگىن 5 شىلدە كۇنى  بريتانيالىق "Cobra" ۇكىمەتىنىڭ توتەنشە كوميتەتى شۇعىل وتىرىس وتكىزۋدە. وتىرىستى ۇلىبريتانيانىڭ ىشكى ىستەر ءمينيسترى سادجيد ءدجاۆيدتىڭ جەكە ءوزى قولعا الۋدا.

“The Qazaq Times”