Foto: eadaily.com

Liviya jağalauına jaqın mañda audarılğan qayıq 100 adamnıñ ölimine sebep boldı dep habarlaydı,  AFR agenttigi.

«Üş jasöspirimniñ deneleri tabıldı, olardan bölek tağı jüzge juıq adam iz-tüzsiz. Qayğılı oqiğa jwma, 29 mausım küni Liviyanıñ jağalauında orın alğan», - dep habarlaydı agenttik. Ürlemeli qayıqta barlığı 120 migrant bolğan. Olardıñ on altısı der kezinde qwtqarılğan. Al, suğa batqandardıñ arasında eki säbi jäne 12 jasqa tolmağan üş bala bolğan. Tiri qalğandardıñ aytularınşa, qayıq jağalaudan wzap şıqqannan birneşe sağattan keyin audarılğan. Jolauşılardıñ arasında Yemen azamattarı men marokkolıqtar bar körinedi.

Bwğan deyin de saytımızda Europadağı migranttar mäselesiniñ uşığıp twrğanı turalı jazğan edik. Elaralıq mäselelerge sebep bolğan migranttar mäselesin özara şeşu üşin 28 mausımda Europa odağınıñ otırısı ötip, migranttardı bölip, qonıstandıruğa şeşim şığarılğan. Sonımen qatar, EO osı mäseleni uşıqtırmau üşin Afrika ekonomikasına da qoldau körsetetin bolıp kelisken edi. Mäselen, bwğan deyin 650 bosqını bar «Akvarius» kemesin qabıldauğa  qatıstı köp kikiljiñ orın alıp, aqırı onı Ispaniya tarapı qabıldağan edi. Osı tektes bosqındardı qabıldau mäselesi şeşilmey, qwrbandar da azaymaytın siyaqtı.

“The Qazaq Times”