Foto: eadaily.com

Europa parlamentiniñ deputattarı vizasız sayahattıñ jaña zañdarın qamtitın jaña erejeler qarastırmaq. Bwl turalı «bbc.com» habarlaydı.

Atalğan jaña erejelerge säykes, vizasız sayahattau qwqığın alğan sayahatşılar Euroodaq territoriyasına kelmey twrıp, sayahat turalı aqparat jäne tirkelu jüyesin (ETIAS) paydalana otırıp, tekseruden öte aladı. Bwl bastama 2021 jıldan bastap küşine enui mümkin, dep habarlaydı bbc.com. Europa parlamentiniñ Majarstan deputatı Kinga Gal' bwl zañ twraqtı sayahattauşılar üşin öte qolaylı bolatının mälimdedi. «Bwl öte qarapayım process bolmaq... Onlayn-tekseris Euroodaq territoriyasına jetpey twrıp jüzege asırılıp qoyadı», - dedi ol. «Vizasız elder» azamattarı sayahattamas bwrın elektrondı formasın toltıradı. Ötiniş swraqtarınıñ arasında ötken uaqıttardağı qılmıstıq isterge qatıstı swraqtarı boladı. Bwl bilik ökilderine sayahattanuşı azamattıñ EO saparınan qanday da bir qauip bar ma, joq pa degen mäseleni jeñildetedi. Jobağa säykes, tirkelu 7 euro köleminde boladı, al rwqsat üş jıl merzimge beriledi.

“The Qazaq Times”