Foto: lemonde.fr

AQŞ BWW-nıñ Qauipsizdik Keñesiniñ müşelerin antiirandıq sankciyalar engizu josparına qoldau bildiruge şaqıruda. Bwl turalı AQŞ-tıñ BWW-ğı ökili Djonatan Koen Qauipsizdik keñestiñ otırısında mälimdegen, - dep habarlaydı "lemonde.fr" basılımı.

Koenniñ sözine qarağanda, bwl sankciyalar Tayau Şığıstağı «Iran qaupine» qarsı twru üşin kerek. Sonımen qatar, ol "AQŞ Qauipsizdik Keñestiñ barlıq müşelerimen birlesip jwmıs isteuge kelisedi", - degendi de qostı. YAğni, antiirandıq sankciyalarğa qoldau körsetuşi qanday tarap bolsa da, Amerika biligi olarmen birigip jwmıs isteue dayın. Bwdan Uaşingtonnıñ Iranğa qatıstı sankciya salu sayasatın äli de jalğastıruda ekenin köre alamız. Ayta ketu kerek, AQŞ Irandı YAdrolıq bağdarlamağa säykes ortaq jospar arqılı qalbıldanğan 2231, 2226, 2701 qararlardı bwzdı dep ayıptaydı. «Bwl qararlarda Qauipsizdik keñesiniñ müşeleri Iranğa qaru jetkizuge tıyım saldı. Biz, mine däl osı üşin de QK müşe-elderine sankciya saluda  bizge qosıluğa şaqıramız» , - dedi.

Esteriñizde bolsa, osı jıldıñ 8 mamırında AQŞ prezidenti Donal'd Tramp Irannıñ YAdrolıq bağdarlamasınan şığatının mälimdegen edi. Ol sol uaqıtta Iranğa qarsı bwrınğı sankciyalardı qaytarumen şektelmeytinin, endi oğan qosa jaña sankciyalar da salatınının habarlağan bolatın. Al, Iran prezidenti Hasan Ruhani öz kezeginde kelisimşarttı küşinde qaldıru üşin Euroodaq Irannıñ yadrolıq bağdarlamasına qatıstı müddesiniñ saqtaluına kepil boluğa mindetti dep mälimdedi. Al, 26 mausımda AQŞ-tıñ memlekettik departamenti ökili tilşilerge AQŞ-tıñ Irannıñ mwnay eksportın nölge tüsiruge nietti ekenin habarlağan edi. AQŞ-tıñ memlekettik hatşısı Mayk Pompeo bwdan bwrın da Iranğa salınatın sankciyaya «tarihtağı eñ qatal sankciya boladı» , - dep mälimdegen bolatın. Osığan oray, küni keşe Iran prezidenti: «Tipti el basına öte qiın jağday tusa da, men irandıqtardıñ negizgi qajettilikterden tarşılıq körmeytindikterine uäde beremin. Bizde qant ta, biday da, ösimdik mayı da jetedi. Biz şeteldik valyutağa öte baymız», - degen ol.

“The Qazaq Times”