فوتو: lemonde.fr

اقش بۇۇ-نىڭ قاۋىپسىزدىك كەڭەسىنىڭ مۇشەلەرىن انتيراندىق سانكتسيالار ەنگىزۋ جوسپارىنا قولداۋ بىلدىرۋگە شاقىرۋدا. بۇل تۋرالى اقش-تىڭ بۇۇ-عى وكىلى دجوناتان كوەن قاۋىپسىزدىك كەڭەستىڭ وتىرىسىندا مالىمدەگەن، - دەپ حابارلايدى "lemonde.fr" باسىلىمى.

كوەننىڭ سوزىنە قاراعاندا، بۇل سانكتسيالار تاياۋ شىعىستاعى «يران قاۋپىنە» قارسى تۇرۋ ءۇشىن كەرەك. سونىمەن قاتار، ول "اقش قاۋىپسىزدىك كەڭەستىڭ بارلىق مۇشەلەرىمەن بىرلەسىپ جۇمىس ىستەۋگە كەلىسەدى", - دەگەندى دە قوستى. ياعني، انتيراندىق سانكتسيالارعا قولداۋ كورسەتۋشى قانداي تاراپ بولسا دا، امەريكا بيلىگى ولارمەن بىرىگىپ جۇمىس ىستەۋە دايىن. بۇدان ۋاشينگتوننىڭ يرانعا قاتىستى سانكتسيا سالۋ ساياساتىن ءالى دە جالعاستىرۋدا ەكەنىن كورە الامىز. ايتا كەتۋ كەرەك، اقش يراندى يادرولىق باعدارلاماعا سايكەس ورتاق جوسپار ارقىلى قالبىلدانعان 2231, 2226, 2701 قارارلاردى بۇزدى دەپ ايىپتايدى. «بۇل قارارلاردا قاۋىپسىزدىك كەڭەسىنىڭ مۇشەلەرى يرانعا قارۋ جەتكىزۋگە تىيىم سالدى. ءبىز، مىنە ءدال وسى ءۇشىن دە قك مۇشە-ەلدەرىنە سانكتسيا سالۋدا  بىزگە قوسىلۋعا شاقىرامىز» ، - دەدى.

ەستەرىڭىزدە بولسا، وسى جىلدىڭ 8 مامىرىندا اقش پرەزيدەنتى دونالد ترامپ يراننىڭ يادرولىق باعدارلاماسىنان شىعاتىنىن مالىمدەگەن ەدى. ول سول ۋاقىتتا يرانعا قارسى بۇرىنعى سانكتسيالاردى قايتارۋمەن شەكتەلمەيتىنىن، ەندى وعان قوسا جاڭا سانكتسيالار دا سالاتىنىنىن حابارلاعان بولاتىن. ال، يران پرەزيدەنتى حاسان رۋحاني ءوز كەزەگىندە كەلىسىمشارتتى كۇشىندە قالدىرۋ ءۇشىن ەۋرووداق يراننىڭ يادرولىق باعدارلاماسىنا قاتىستى مۇددەسىنىڭ ساقتالۋىنا كەپىل بولۋعا مىندەتتى دەپ مالىمدەدى. ال، 26 ماۋسىمدا اقش-تىڭ مەملەكەتتىك دەپارتامەنتى وكىلى تىلشىلەرگە اقش-تىڭ يراننىڭ مۇناي ەكسپورتىن نولگە تۇسىرۋگە نيەتتى ەكەنىن حابارلاعان ەدى. اقش-تىڭ مەملەكەتتىك حاتشىسى مايك پومپەو بۇدان بۇرىن دا يرانعا سالىناتىن سانكتسيايا «تاريحتاعى ەڭ قاتال سانكتسيا بولادى» ، - دەپ مالىمدەگەن بولاتىن. وسىعان وراي، كۇنى كەشە يران پرەزيدەنتى: «ءتىپتى ەل باسىنا وتە قيىن جاعداي تۋسا دا، مەن يراندىقتاردىڭ نەگىزگى قاجەتتىلىكتەردەن تارشىلىق كورمەيتىندىكتەرىنە ۋادە بەرەمىن. بىزدە قانت تا، بيداي دا، وسىمدىك مايى دا جەتەدى. ءبىز شەتەلدىك ۆاليۋتاعا وتە بايمىز»، - دەگەن ول.

“The Qazaq Times”