Foto: turkystan.kz

Türkistan oblısında Wlttıq Birıñğay Testileu bastalğalı  bes künde öñir oquşıları emtihan tapsırıp, bilimine say tiisti ball jinap jatır. Testileudiñ bes küngi qorıtındısı boyınşa – 20508 oquşı WBT tapsırsa, eñ joğarı 138 baldı 3 oquşı, 137 baldı 5 oquşı, 136 baldı 9  oquşı jinağan. Bwl turalı oblıstıq bilim basqarması mälim etti dep habarlaydı Türkistan oblısı äkiminiñ baspasöz qızmeti.

Olardıñ aytuınşa, 4843 tülek 100 baldan joğarı jinağan. Jalpı testileudiñ qorıtındısımen oblıstıñ orta balı – 79,4 baldı qwrap otır.

Bwdan bölek, WBT erejesin bwzğanı üşin 4 oquşı auditoriyadan şığarılıp, testileu nätijesi joyıldı deydi vedomstva ökildikteri.

Testileuge kirgizu kezinde WBT qağida talaptarınıñ bwzıluı orın alğan joq, barlıq bitiruşiler arnayı ramalı metalizdegişter arqılı ötkizilip, wyalı telefondarı alınğan.

Ayta keteyik, oblıs boyınşa 2017-2018 oqu jılında 11 sınıptı 33765 oquşı bitirse, onıñ işinde 22417-si WBT tapsıruğa ötiniş bergen.

26-mausım küni 2 audanda 48 mektepten 1317 bitiruşi WBT tapsıratın boladı. Olar: Maqtaral, Sarıağaş audandarı.

"The Qazaq Times"