Tört jıldan bergi kelissözder jäne bir ökildiñ qaza boluı sındı jağdaylardan keyin, Filippin ükimeti oñtüstik Mindanao aralında mwsılman separatistik wyımına avtonomiya beretin zañ şığaradı. Bwl turalı VOA News habarladı.

Filippin Parlamentiniñ eki palatası atalğan zañ jobasın alğaşqı adımda maqwldadı. Eldegi BAQ-tıñ habarına qarağanda, prezident Dutterte 23 şilde küni bwl şeşimdi resmi türde rastap, zañğa qol qoyadı. Bwl zañ bir iri ükimettik emes wyımğa – Moro islam azattıq wyımına Mindanao aymağında jerdi paydalanuda avtonomiya qwqığın bermek.

Degenmen, Filippiniñ keybir lauazımdılarınıñ aytuınşa, Parlament atalğan wyımnıñ ükimet bolıp qwrılu üşin kerekti keybir qwqıqtarın alıp tastaydı. Tım köp şekteu olardıñ narazılığın örşitedi, sondıqtan osınday zañ qabıldap otırğanın aytadı.

Filippinniñ batıs Mindanao men basqa araldarında mwsılmandar 500 jıldan astam uaqıttan beri jasap keledi. Olar Filippindegi barlıq resurstarğa baqılau jasaytın hristian köpşiliginiñ biligine razı emes. 1960 jıldarı Filippindegi mwsılmandardıñ ükimetke qarsı küresi bastalğannan beri qaqtığıstardan 121 mıñnan astam adam köz jwmdı.

2014 jılı Moro Islam Azattıq frontı men Filippin ükimeti qaqtığıstı toqtatıp, kelisim jasauğa kirisken. Sodan beri atalğan wyım ükimetpen birneşe ret kelissöz ötkizdi.

“The Qazaq Times”