فيليپپيندە مۇسىلماندار 500 جىلدان بەرى جاساپ كەلەدى. فوتو: Public Radio International,

ءتورت جىلدان بەرگى كەلىسسوزدەر جانە ءبىر وكىلدىڭ قازا بولۋى سىندى جاعدايلاردان كەيىن، فيليپپين ۇكىمەتى وڭتۇستىك مينداناو ارالىندا مۇسىلمان سەپاراتيستىك ۇيىمىنا اۆتونوميا بەرەتىن زاڭ شىعارادى. بۇل تۋرالى VOA News حابارلادى.

فيليپپين پارلامەنتىنىڭ ەكى پالاتاسى اتالعان زاڭ جوباسىن العاشقى ادىمدا ماقۇلدادى. ەلدەگى باق-تىڭ حابارىنا قاراعاندا، پرەزيدەنت دۋتتەرتە 23 شىلدە كۇنى بۇل شەشىمدى رەسمي تۇردە راستاپ، زاڭعا قول قويادى. بۇل زاڭ ءبىر ءىرى ۇكىمەتتىك ەمەس ۇيىمعا – مورو يسلام ازاتتىق ۇيىمىنا مينداناو ايماعىندا جەردى پايدالانۋدا اۆتونوميا قۇقىعىن بەرمەك.

دەگەنمەن، ءفيليپپينىڭ كەيبىر لاۋازىمدىلارىنىڭ ايتۋىنشا، پارلامەنت اتالعان ۇيىمنىڭ ۇكىمەت بولىپ قۇرىلۋ ءۇشىن كەرەكتى كەيبىر قۇقىقتارىن الىپ تاستايدى. تىم كوپ شەكتەۋ ولاردىڭ نارازىلىعىن ورشىتەدى، سوندىقتان وسىنداي زاڭ قابىلداپ وتىرعانىن ايتادى.

ءفيليپپيننىڭ باتىس مينداناو مەن باسقا ارالدارىندا مۇسىلماندار 500 جىلدان استام ۋاقىتتان بەرى جاساپ كەلەدى. ولار فيليپپيندەگى بارلىق رەسۋرستارعا باقىلاۋ جاسايتىن حريستيان كوپشىلىگىنىڭ بيلىگىنە رازى ەمەس. 1960 جىلدارى فيليپپيندەگى مۇسىلمانداردىڭ ۇكىمەتكە قارسى كۇرەسى باستالعاننان بەرى قاقتىعىستاردان 121 مىڭنان استام ادام كوز جۇمدى.

2014 جىلى مورو يسلام ازاتتىق فرونتى مەن فيليپپين ۇكىمەتى قاقتىعىستى توقتاتىپ، كەلىسىم جاساۋعا كىرىسكەن. سودان بەرى اتالعان ۇيىم ۇكىمەتپەن بىرنەشە رەت كەلىسسوز وتكىزدى.

“The Qazaq Times”