Jer üstinen atılatın zımıran. Foto: KyivPost.

Dünie elderindegi futbol janküyerleri Älem Çempionatın köru üşin Reseyge ağıluda. Osı twsta Ukrainanıñ şığısındağı atıstı baqılauşılar mälimdeme jasap, soñğı kezderi atalğan öñirde qaqtığıstardıñ arta tüskenin, äsirese  auır soğıs tehnikaları men jer üstinen atılatın zımırandardı qoldanudıñ köbeygenin mälimdedi. Bwl turalı VOA News habarladı.

 Europadağı qauipsizdik jäne ıntımaqtastıq wyımınıñ baqılauşısı jasağan mälimdemede, Ukraina şığısında atıstı toqtatu kelisimi eki taraptan teñdey bwzıluda. Degenmen, bwnday äreket Resey qoldau körsetken qarulı toptar jağınan köbirek orın aluda.

Mälimetke qarağanda, Reseydiñ qoldauındağı ükimetke qarsı küşter 15 mausımda  Europa Qauipsizdik jäne ıntımaqtastıq wyımınıñ baqılauşı wşqışsız wşu qwrılğısına eki birdey zımıran atqan. Degenmen, zımıran közdegen nısanağa jete almağan.

Wşqışsız wşu apparatında ornatılğan baqılau kamerası bwl zımıran şabuılın keskinge tüsirip alğan.

Mälimdemede, zımıran atılğan orınnıñ 2014 jılı malayziyalıq MH17 wşağı qwlağan öñir ekenin eskertedi.

 “The Qazaq Times”