ءاچ كەزىندە ۋكراينا شىعىسىندا اۋە زىمىرانىمەن شابۋىلداۋ كوبەيە ءتۇستى

دۇنيە ەلدەرىندەگى فۋتبول جانكۇيەرلەرى الەم چەمپيوناتىن كورۋ ءۇشىن رەسەيگە اعىلۋدا. وسى تۇستا ۋكراينانىڭ شىعىسىنداعى اتىستى باقىلاۋشىلار مالىمدەمە جاساپ، سوڭعى كەزدەرى اتالعان وڭىردە قاقتىعىستاردىڭ ارتا تۇسكەنىن، اسىرەسە  اۋىر سوعىس تەحنيكالارى مەن جەر ۇستىنەن اتىلاتىن زىمىرانداردى قولدانۋدىڭ كوبەيگەنىن مالىمدەدى. بۇل تۋرالى VOA News حابارلادى.

 ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باقىلاۋشىسى جاساعان مالىمدەمەدە، ۋكراينا شىعىسىندا اتىستى توقتاتۋ كەلىسىمى ەكى تاراپتان تەڭدەي بۇزىلۋدا. دەگەنمەن، بۇنداي ارەكەت رەسەي قولداۋ كورسەتكەن قارۋلى توپتار جاعىنان كوبىرەك ورىن الۋدا.

مالىمەتكە قاراعاندا، رەسەيدىڭ قولداۋىنداعى ۇكىمەتكە قارسى كۇشتەر 15 ماۋسىمدا  ەۋروپا قاۋىپسىزدىك جانە ىنتىماقتاستىق ۇيىمىنىڭ باقىلاۋشى ۇشقىشسىز ۇشۋ قۇرىلعىسىنا ەكى بىردەي زىمىران اتقان. دەگەنمەن، زىمىران كوزدەگەن نىساناعا جەتە الماعان.

ۇشقىشسىز ۇشۋ اپپاراتىندا ورناتىلعان باقىلاۋ كامەراسى بۇل زىمىران شابۋىلىن كەسكىنگە ءتۇسىرىپ العان.

مالىمدەمەدە، زىمىران اتىلعان ورىننىڭ 2014 جىلى مالايزيالىق MH17 ۇشاعى قۇلاعان ءوڭىر ەكەنىن ەسكەرتەدى.

 “The Qazaq Times”