Reseylik zeynetkerler. Foto: The Moscow Times.

Reseyde zeynet jasın wzartuğa qarsı peticiyağa nebarı üş kün işinde millionnan astam adam qol qoydı. Prezident pen prem'er-ministrge jäne Federaldıq keñeske joldanğan bwl qwjat change.org saytına jariya boldı.

Ötken aptada Resey prem'er-ministri Dmitriy Medvedev äyelderdiñ zeynet jası qazirgi 55 jastan 63 jasqa, erlerdiñ zeynet jasın 60 jastan 65 jasqa wzartu turalı jobanı ortağa qoyğan. Tüsindirme hatta aytıluınşa, atalmış joba Reseylikterdiñ ömir süru jasınıñ wzaruı men zeynetaqı aluşılardıñ köbeyuine baylanıstı şığarılğanı aytıladı.  

Zeynet jasın joğarlatuğa qarsı qwjatqa qol qoyğandar: «Zeynet jasın wzartudı jüzege asıru – reseylikterdiñ basım köbi zeynet jasına jetpey qaladı degen söz», – dep aşulandı.  

Qazir Resey ükimeti zeynet jasın wzartudı 2019 jıldan bastau turalı qarastıruda. Degenmen, bwnı uaqıtşa dep tüsindirude. Aytalıq, erler üşin 2028 jılğa deyin, al äyelderge 2034 jılğa deyin. Ükimet tarabı bwl jobanı tolıqtay qoldap otır.

Reseyde 1990 jıldardan bastalğan demografiyalıq qwldıraudan keyin, jıl sayın zeynetkerler sanı ösude, kerisinşe jwmıspen qamtılğandar sanı azayuda. El ükimetiniñ sözine sensek, zeynet jasınıñ wzartıluı zeynetaqınıñ köbeyuine alıp keledi delinedi.

“The Qazaq Times”