رەسەيدە زەينەت جاسىنىڭ ۇزارتىلۋىنا قارسى شۋ شىقتى

رەسەيدە زەينەت جاسىن ۇزارتۋعا قارسى پەتيتسياعا نەبارى ءۇش كۇن ىشىندە ميلليوننان استام ادام قول قويدى. پرەزيدەنت پەن پرەمەر-مينيسترگە جانە فەدەرالدىق كەڭەسكە جولدانعان بۇل قۇجات change.org سايتىنا جاريا بولدى.

وتكەن اپتادا رەسەي پرەمەر-ءمينيسترى دميتري مەدۆەدەۆ ايەلدەردىڭ زەينەت جاسى قازىرگى 55 جاستان 63 جاسقا، ەرلەردىڭ زەينەت جاسىن 60 جاستان 65 جاسقا ۇزارتۋ تۋرالى جوبانى ورتاعا قويعان. تۇسىندىرمە حاتتا ايتىلۋىنشا، اتالمىش جوبا رەسەيلىكتەردىڭ ءومىر ءسۇرۋ جاسىنىڭ ۇزارۋى مەن زەينەتاقى الۋشىلاردىڭ كوبەيۋىنە بايلانىستى شىعارىلعانى ايتىلادى.  

زەينەت جاسىن جوعارلاتۋعا قارسى قۇجاتقا قول قويعاندار: «زەينەت جاسىن ۇزارتۋدى جۇزەگە اسىرۋ – رەسەيلىكتەردىڭ باسىم كوبى زەينەت جاسىنا جەتپەي قالادى دەگەن ءسوز»، – دەپ اشۋلاندى.  

قازىر رەسەي ۇكىمەتى زەينەت جاسىن ۇزارتۋدى 2019 جىلدان باستاۋ تۋرالى قاراستىرۋدا. دەگەنمەن، بۇنى ۋاقىتشا دەپ تۇسىندىرۋدە. ايتالىق، ەرلەر ءۇشىن 2028 جىلعا دەيىن، ال ايەلدەرگە 2034 جىلعا دەيىن. ۇكىمەت تارابى بۇل جوبانى تولىقتاي قولداپ وتىر.

رەسەيدە 1990 جىلداردان باستالعان دەموگرافيالىق قۇلدىراۋدان كەيىن، جىل سايىن زەينەتكەرلەر سانى وسۋدە، كەرىسىنشە جۇمىسپەن قامتىلعاندار سانى ازايۋدا. ەل ۇكىمەتىنىڭ سوزىنە سەنسەك، زەينەت جاسىنىڭ ۇزارتىلۋى زەينەتاقىنىڭ كوبەيۋىنە الىپ كەلەدى دەلىنەدى.

“The Qazaq Times”