Kütpegen jerden qol wsınıp, qattı qısıp amandasu äri qoldı silke tartu  Tramptıñ jwrtqa mälim ädeti. Birneşe eldiñ memleket basşılarımen kezdeskende Tramptıñ osı äreketterine türli pikirler aytıldı. Alayda, prezidenti Tramp bwl ädetin tastağan emes. Bwğan deyin qırği-qabaq eki eldiñ liderleri – AQŞ prezidenti Tramp pen KHDR törağası Kim Joñ Unnıñ Singapurdağı qol alısuı älem jwrtşılığı üşin «ayta jürer äñgimeniñ» birine aynaldı.

Ne üşin dünie jwrtşılığı bwl qol alısuğa basa män berdi? Üytkeni, memleket basşılarınıñ qol alısuı tarihta köptegen bwrılıstardıñ simvolı retinde qaldı. Solardıñ birqatarın BBC-diñ onlayn qızmeti qatarğa tizdi.

Çemberlen men Gitler

Foto: GETTY IMAGES/BBC.

1938 jılı 22 qırküyek küni Bonn qalasınıñ mañındağı Godesberg meymanhanasında Germaniyanıñ sol kezdegi diktatorı Adol'f Gitler men Britaniyanıñ bas uäziri (prem'er-ministri) Nevill Çemberlen qol alıstı. Sol jolı eki lider nemister Çehoslovakiyanıñ Sudet aymağı mäselesi boyınşa keñes ötkizdi. Gitlerdiñ qolın alğan Çemberlen, Angliyağa tınıştıq ornattım dep qaytadı. Biraq, Gitler alaqanınıñ senimi bir-aq jılğa şıdaydı. Kelesi jılı Düniejüzilik ekinşi soğıs bwrq ete tüsedi.

Stalin, Çerçill' jäne Trumen

Foto: GETTY IMAGES/BBC.

1945 jılı 23 şilde küni, AQŞ prezidenti Garri Trumen, Britaniyanıñ bas uäziri Uinston Çerçill' jäne Keñes odağınıñ basşısı Iosif Stalin Potstam konferenciyasında «üşjaqtı qol alısadı». Bwl üşeui Düniejüzilik ekinşi soğıs ayaqtalğannan keyin Europanıñ, äsirese Germaniyanıñ tağdırın şeşu üşin bas qosqan edi. Sol kezdegi Franciyanıñ prezidenti Şarl' de Golldu bwl konferenciyağa şaqırılmay qaldı.

Jonson men Lyuter Kiñ (Liter King)

Foto: GETTY IMAGES/BBC.

1964 jılı 2 şildede AQŞ prezidenti Lindon B. Jonson «Azamattıq qwqıqtar turalı jaña zañ jobasına» qol qoydı. Bwl jaña zañ jobası boyınşa qoğamdıq orındarda, jwmısta azamattardıñ tür-tüsine, jınısına, wltı men dinine qaray şekteu qoyuğa tıyım saldı. Bwl Qwrama Ştattağı qara näsildi azamattarğa ülken teñdik alıp bergen zañ jobası bolıp tarihta qaldı. Atalmış zañğa qol qoya salısımen prezident Jonson qara näsildi doktor Martin Lyuter Kiñnıñ qolın qalğan edi.

Mau men Nikson

Foto: GETTY IMAGES/BBC.

1972 jılı 21 aqpan Beyjiñde Qıtay Kommunistik partiyasınıñ törağası Mau Zıdwñ (Mao Czedun) Qıtayğa saparlay kelgen AQŞ prezidenti Riçard Kinsonmen qol alıstı. Bwl qol alısu AQŞ pen Qıtaydıñ qayşılığın 23 jıldan keyin qayta qalpına keltiruge jol aştı. Eki el senimsizdik pen jaulasu sayasatın toqtatıp, diplomatiyalıq qarım-qatınastı damıtuğa kelisti.

Garbaçev pen Reygan

Foto: GETTY IMAGES/BBC.

1985 jılı qaraşada Jenevada AQŞ pen Keñes odağınıñ basşıları qol alıstı. Bwl «Qırğiqabaq soğısına» nükte qoyğan qol alısu boldı.

Tetçer men Mandela

Foto: GETTY IMAGES/BBC.

1994 jılı 4 şilde küni Wlıbritaniyanıñ bas uäziri Margaret Tetçer men Afrika Wlttıq Kongress prezidenti Nel'son Mandela Londonda qol alıstı. Bwğan deyin Wlıbritaniya tarabı Afrika Wlttıq Kongresin «terrorlıq wyım» dep eseptep kelgen. Osıdan 4 jıl ötkennen keyin Mandela Oñtüstik Afrikanıñ prezidenti boldı.

Rabin men Arafat

Foto: GETTY IMAGES/BBC.

1993 jılı 13 qırküyek küni, Uaşingtonda Palestinanıñ lideri YAsir Arafat pen Izrail' prem'er-ministri Ishak Rabin qol alıstı. Köp jılğa sozılğan Izrail' men Palestina arasında «Pricipter turalı deklaraciyağa» qol qoyıldı. Bwl kelisimniñ maqsatı Tayau Şığıs qayşılığın beybit jolmen şeşu bolğan. Bwl kelisimge AQŞ prezidenti Bill Klinton da kuä bolğan

Wlıbritaniya patşayımı men Makginness

Foto: GETTY IMAGES/BBC.

2012 jılı 27 mausım küni Wlıbritaniya patşayımı Elizaveta İİ men Soltüstik Irlandiyanıñ Britaniyağa qarsı toptıñ lideri Martin Makginnesstıñ qolın aldı. Makginness sol kezde Irlandiyanıñ Wlıbritaniyadan bölinuin qoldağan. Bwl Irlandiya men Wlıbritaniya arasındağı jaña mämilege jol saldı dep bağalanğan.

Obama men Kastro

Foto: GETTY IMAGES/BBC.

2016 jıldıñ 21 naurızında AQŞ prezidenti Barak Obama men Kuba prezidenti Raul' Kastro jolıqtı. Bwl AQŞ prezidentteriniñ Kubağa 100 jıldan bergi alğaşqı saparı bolğan. Obama saparınan keyin eki el qarım-qatınası bwrınğıdan köri jaqsardı. Kubağa bağıttalğan keybir sankciyalar alınıp tastaldı.

“The Qazaq Times”