Foto: DIWIS

Törtkül dünie köz tikken dop dodasına älemniñ eñ üzdik 32 qwraması qatısadı. Ala dopqa arbalğan ağayın asığa kütken alamannıñ aşılu saltanatı Astana uaqıtımen sağat 19:00-de bastaladı. Arağa 2 sağat salıp, alañ qojayındarı Resey qwraması Saud Arabiyasınıñ mıqtılarımen küş sınasadı.  

Bayraqtı bäsekeniñ aşılu saltanatın tamaşalauğa älemniñ 20-dan asa memleket basşısı keledi dep kütilude. Sıylı meymandardıñ arasında Qazaqstan Respublikasınıñ prezidenti Nwrswltan Nazarbaev ta bar. FIFA basşısı Djanni Infantinonıñ aytuınşa, Resey eli jarıstı ötkizuge  tolıq dayın. Elde su jaña stadiondar salınıp, infraqwrılım anağwrlım jaqsarğan. Odan bölek, qauipsizdik şaralarına da jiti män berilip otır.

Biılğı älem çempionatında biraz özgeris bar. Mäselen, töreşiler adamdardıñ näsiline, dinine qarsı bağıttalğan qanday da bir is-äreketti bayqap qalsa, oyındı toqtatuına boladı. Tipti, olarğa matçtı keyinge şegerip tastay alatın qwzıret berilgen.

Resey eli futboldan älem çempionatın öz tarihında alğaş ret ötkizgeli jatır. Tartıstı oyındardı tamaşalauğa bölingen biletterdiñ barlığı osı küni satılıp bitken. Halıqaralıq futbol federaciyası 2,5 million bilettiñ eñ köbin reseylikter aldı deydi.

Älem çempionatı twp-tura bir ayğa sozıladı. Aqtıq kezdesu 15 şildege belgilengen.

“The Qazaq Times”