Foto: eadaily.com

Europarlament deputattarı 14 mausım küni Reseyde aşılatın futboldan Älem Çempionatına baykot jasaytındıqtarı turalı mälimdedi. Bwl turalı «france24.com/fr» agenttigi habarlaydı.

«Europa parlamenti Reseydegi adam qwqıqtarı turalı qararnamağa säykes, Älem Çempionatına baykot turalı mälimdeme dayındauda», - delingen habarlamada. Bwğan deyin de Europarlamenttegi nemis deputatı, Şığıs Europa mäseleleri jönindegi maman Rebekka Harms europalıq elderdi Reseyde ötetin futboldan älem çempionatına barmauğa ündegen edi. Onıñ bwl bastamasın EO-qa müşe 16 eldiñ 60 deputatı men Europalıq wlttıq partiyanıñ iri frakciyaları qoldağan edi. Mäselen, Avstraliyanıñ arnayı delegaciyası RF-na barmaydı, sportşılarğa memlekettiñ atınan tek elşi ğana qoldau körsetuge baradı.  Sonımen qatar, Pol'şa jäne Finlyandiya prezidentteri de Älem Çempionatınıñ aşılu saltanatına qatıspaydı.

Human Rights Watch wyımınıñ direktorı futboldan älem çempionatın ötkizu arqılı Resey qwrmetke qol jetkizip, düniejüzi halıqtarınıñ jağımdı közqarasına ie bolmaq. Alayda, atalğan matçtı köruge asıqqan milliondağan adamnıñ tilegine qaramastan, Süriyalağı beybit twrğındardıñ körip jatqan azaptarı da wmıtılmau kerek, dep jazdı. Älem elderiniñ osınday baykot jariyalau şeşimderine "Putinniñ reseylik jäne süriyalıq äskerlerdiñ Süriyadağı äreketterin toqtatuı üşin eşqanday şara qoldanbauı" sebep boluda. Bwl europalıq deputattar men sayasatkerlerdiñ pikirleri.

“The Qazaq Times”