NATO men Resey. Foto: wikipedia.

Resey Ukrainağa basıp kiruiniñ bir maqsatı retinde NATO-nıñ şığısqa qaray keñeyuine böget qoyu dep körsetken edi.  Alayda, däl mwnıñ kerisinşe Ukrainadağı jağdaydan keyin NATO-nıñ aumağı tipti de keñeye tüsetindey. NATO jaqın arada Filyandiya men Şveciyanıñ ötinişterin qanağattandırıp, wyımğa qabıldauı mümkin dep kütilude. Eger bwl eki el alyans qwramına kiretin bolsa, NATO müşeleriniñ sanı 32-ge jetedi jäne Reseydiñ soltüstik-batısmen tikeley şekaralasatın boladı.

NATO (NATO/Soltüstik Atlantikalıq Şart wyımı) – 73 jıl bolğan, älemdegi eñ auqımdı qorğanıs alyansı. Bwl wyım Ekinşi düniejüizilik soğıstan keyin qwrıldı, sol kezdegi maqsatı Europanı Keñestik Mäskeudiñ ekspanciyasınan qorğau bolatın. Kez-kelgen bir müşesine qarsı şabuıl twtas wyımğa jasalğan şabuıl dep sanalatın bwl wyımnıñ uaqıt ötken sayın irgesi keñip, jaña müşelermen tolıqtı. Sol twsta Keñes odağı bwğan qarsı «Varşava kelisimin» tüzgen bolatın, ol negizinen Europanıñ şığısındağı kommunistik elderden qwralğan edi. Keñes odağı qwlay salısımen bwl wyım da ıdırap, tipti keybir müşeleri qarsılası sanalıp kelgen NATO-ğa kirdi. Söytken NATO bügin rasımen de Reseydiñ şekarasına kelip jetetin boldı. Anığında bwğan itermelegen Mäskeudiñ özi edi.

AQŞ aqparat qwraldarı Aq üy men Pentagonğa silteme jasay otırıp, Şveciya men Finlyandiyanıñ NATO-ğa müşelik ötinişteri mausım ayında qaraluı mümkin ekenin jazıp jatır.

Ärine, NATO Ukraina üşin Reseymen soğısıp jatqan joq. Bwl üşin  Soltüstik Atlantikalıq Şart Wyımınıñ qwqıqtıq mümkindigi de joq. Eger, Resey wyımğa tikeley müşe bir elge şabuıl jasağan jağdayda, aytalıq Lativiya, Litiva, Estoniya nemese Pol'şa sekildi, onda NATO öz küşin Reseyge qarsı jwmıldıra aladı. Degenmen, Ukrainanıñ qazirge deyin Reseyge küşti qarsılıq körsete aluında NATO-nıñ qoldauın bölip qarauğa bolmaydı. Reseydiñ tankterinen tartıp türli auır äskeri tehnikalarına jäne tikwşaqtarına qarsı soğıs qwraldarın köbine-köp atalğan wyım müşeleri berip otırdı.

Ukrainada Resey men NATO äskeriniñ tikeley soğısqa baruı, bwl jahandıq soğısqa bastap ketui mümkin edi. Degenmen, qazir NATO küşteri Reseyge jaqın Şığıs Europada ornalasqan. Baltıq jağalauındağı elderden tartıp, oñtüstigi Rumıniyağa deyin mıñdağan NATO sarbazdarı Reseydiñ Europa bağıtın qorşap twr. Resmi mälimetterde Şığıs Europadağı NATO äskerleriniñ sanı 40 mıñğa jetedi. Olarğa qosa saqaday say twrğan 100-den asa soğıs wşağı, Reseydiñ batıs, oñtüstik batıs, soltüstik-batısımen şektesetin teñizderde 120 äskeri keme twr. NATO müşeleriniñ üş birdey äue tasımal kemesi bwlardıñ sırtında. Eger aldağı uaqıtta Filnyandiya men Şveciya wyımğa müşe bolsa bwl elderge de birikken küşter ornalastırıluı mümkin. Bwl Reseydi batıs taraptan tolıqtay qorşauğa qaldırğanmen birdey.

The Qazaq Times