ەۋروپارلامەنت الەم چەمپيوناتى ءۇشىن ديپلوماتيالىق بايكوت دايىنداۋدا

ەۋروپارلامەنت دەپۋتاتتارى 14 ماۋسىم كۇنى رەسەيدە اشىلاتىن فۋتبولدان الەم چەمپيوناتىنا بايكوت جاسايتىندىقتارى تۋرالى مالىمدەدى. بۇل تۋرالى «france24.com/fr» اگەنتتىگى حابارلايدى.

«ەۋروپا پارلامەنتى رەسەيدەگى ادام قۇقىقتارى تۋرالى قارارناماعا سايكەس، الەم چەمپيوناتىنا بايكوت تۋرالى مالىمدەمە دايىنداۋدا»، - دەلىنگەن حابارلامادا. بۇعان دەيىن دە ەۋروپارلامەنتتەگى نەمىس دەپۋتاتى، شىعىس ەۋروپا ماسەلەلەرى جونىندەگى مامان رەبەككا حارمس ەۋروپالىق ەلدەردى رەسەيدە وتەتىن فۋتبولدان الەم چەمپيوناتىنا بارماۋعا ۇندەگەن ەدى. ونىڭ بۇل باستاماسىن ەو-قا مۇشە 16 ەلدىڭ 60 دەپۋتاتى مەن ەۋروپالىق ۇلتتىق پارتيانىڭ ءىرى فراكتسيالارى قولداعان ەدى. ماسەلەن، اۆستراليانىڭ ارنايى دەلەگاتسياسى رف-نا بارمايدى، سپورتشىلارعا مەملەكەتتىڭ اتىنان تەك ەلشى عانا قولداۋ كورسەتۋگە بارادى.  سونىمەن قاتار، پولشا جانە فينليانديا پرەزيدەنتتەرى دە الەم چەمپيوناتىنىڭ اشىلۋ سالتاناتىنا قاتىسپايدى.

Human Rights Watch ۇيىمىنىڭ ديرەكتورى فۋتبولدان الەم چەمپيوناتىن وتكىزۋ ارقىلى رەسەي قۇرمەتكە قول جەتكىزىپ، دۇنيەجۇزى حالىقتارىنىڭ جاعىمدى كوزقاراسىنا يە بولماق. الايدا، اتالعان ماتچتى كورۋگە اسىققان ميلليونداعان ادامنىڭ تىلەگىنە قاراماستان، سۇريالاعى بەيبىت تۇرعىنداردىڭ كورىپ جاتقان ازاپتارى دا ۇمىتىلماۋ كەرەك، دەپ جازدى. الەم ەلدەرىنىڭ وسىنداي بايكوت جاريالاۋ شەشىمدەرىنە ء"پۋتيننىڭ رەسەيلىك جانە سۇريالىق اسكەرلەردىڭ سۇرياداعى ارەكەتتەرىن توقتاتۋى ءۇشىن ەشقانداي شارا قولدانباۋى" سەبەپ بولۋدا. بۇل ەۋروپالىق دەپۋتاتتار مەن ساياساتكەرلەردىڭ پىكىرلەرى.

“The Qazaq Times”