Foto: sanalyurpaq.kz

Almatılıq jemqorlıqqa qarsı küres jönindegi «SANALY URPAQ» jobalau ofisi eksperimenttik rejimde äl-Farabi atındağı Qazaq wlttıq universiteti negizinde sıbaylas jemqorlıqqa qarsı monitoring jüyesin sınaqtan ötkizdi. Ol respublikadağı jetekşi universitettiñ jalpı 16 mıñnan astam studentteri men oqıtuşıların qamtıdı.

Monitoring ädisnaması «Oqıtuşı studentterdiñ közimen», «Oqıtuşı äriptesterdiñ közimen», «Studentterdiñ qanağattanuın bağalau», «Universitet tülekterdiñ közimen», «Sıbaylas jemqorlıqtı qabıldau indeksi» siyaqtı jappay jäne iriktelgen swraq-jauaptarğa negizdelgen saualnamalar seriyasın qamtidı. Olar joo-dağı sıbaylas jemqorlıqqa qarsı sayasattıñ jay-küyin jäne tiimdiligin bağalaudıñ birıñğay jüyesin qwraydı. Äl-Farabi atındağı QazWU-dıñ «Sıbaylas jemqorlıqtan tıs universitet» attı jobasınıñ ayasında jeti jıl boyı qalıptastırılğan praktikalıq äzirlemeleri oğan negiz boldı. Atalmış jobanı jüzege asıru universitettiñ barlıq salalarında jemqorlıqqa qarsı tehnologiyalar keşenin engizudi jäne olardıñ tiimdiligin ünemi bağalaudı qamtamasız etti.

Sıbaylas jemqorlıqqa qarsı is-qimıl monitoringi jüyesi studentter men oqıtuşılar twrğısınan sıbaylas jemqorlıqtı qabıldau indeksin  anıqtauğa mümkindik beredi. Ol oqıtuşılardıñ korporativtik mädeniet normaları men käsibi qwndılıqtardı wstanuı, bilim beru jäne oqu-tärbie üderisiniñ aşıqtığı, oqu jetistikterin bağalaudıñ ob'ektivtiligi jäne akademiyalıq şınayılıq, körsetiletin qızmet sapası deñgeyimen qanağattanu därejesi jäne joo ortasında josıqsız praktikalardıñ taraluı siyaqtı mañızdı parametrler boyınşa bağalaudı qamtidı.

Auqımdı zertteulerdiñ qorıtındısı boyınşa fakul'tetter men kafedralardıñ sıbaylas jemqorlıqqa qarsı reytingisi jasaldı, onıñ nätijeleri QazWU Ğılımi keñesiniñ otırısında keñinen talqılandı. «SANALY URPAQ» jobalau ofisiniñ basşısı Qayırjan Toquşev atap ötkendey, mwnday äleumettik zertteuler barlıq joğarı oqu orındarında jürgizilui tiis, öytkeni bwl sıbaylas jemqorlıqtıñ aldın alu jäne oğan qarsı küres boyınşa naqtı şaralardı uaqıtılı qalıptastıruğa kömektesedi. Jobalau ofisi monitoring jüyesi men onı ötkizu täjiribesin Almatıdağı barlıq JOO-larğa sıbaylas jemqorlıqqa qarsı is-qimıldardı zertteu jäne paydalanu üşin wsınatın boladı.

«SANALY URPAQ» jobalıq ofisi ağımdağı jıldıñ kökteminde äl-Farabi atındağı Qazaq wlttıq universiteti negizinde Memlekettik qızmet isteri jäne sıbaylas jemqorlıqqa qarsı is-qimıl agenttiginiñ bastamasımen aşılğan. Agenttiktiñ törağası Alik Şpekbaev, Almatı qalasınıñ äkimi Bauırjan Baybek jäne äl-Farabi atındağı QazWU-dıñ rektorı Ğalım Mwtanov bilim beru salasındağı sıbaylas jemqorlıqqa qarsı is-qimıl tetikterin engizu turalı üş jaqtı kelisimge qol qoydı.

“The Qazaq Times”