Foto: Gvatemaladağı atqılağan janartaudan zardap şekkender

Gvatemala ükimeti Fuego janartauınıñ atqılauınıñ saldarınan 109 adamnıñ qaza tapqanı turalı mälimetti rastadı. Bwl turalı «AP»  agenttigi Gvatemalanıñ Sot-medicinalıq institutına silteme jasap habarlaydı.

Negizinen, bwğan deyin tabiği apat aymağında 200 adam iz-tüzsiz ketken. Tabiği apattarmen küres jönindegi memlekettik agenttik bwnı aua-rayınıñ kürt bwzıluımen baylanıstıradı: janartau atqılamastan bir kün bwrın nöser jauın jauıp, sel tasqınına qauip küşeygen. Sonımen qatar, qwtqaruşılardıñ özi äli de suıp ülgenmegen kül şoqtarınan zardap şekken. Onıñ üstine, janartau atqılağannan beri 72 sağat ötken, bwl — janartau qaldıqtarınıñ astında qalıp qoyğan adamdardı aman alıp qaludıñ mümkin emestigin körsetedi. "Wştı-küyli ketkerderdiñ jaqındarı olardı öz betterinşe izdeuge talpınuda. Al, bwl özderine de ülken qauip töndirude", - dep habarlağan Gvatemala biligi.

Bwdan bwrın, Gvatemaladağı Fuego janartauı ekinşi ret atqıladı dep habarlanıp, bilik twrğındardı şwğıl köşirudi qolğa alğan edi.

Esteriñizge sala ketsek, 3 mausım küni Gvalemalada Fuego janartauı alapat jağdayda atqılap, mamandar bwnıñ soñğı onjıldıqtağı eñ joyqın janartau atqılauı dep habarlağan bolatın. Fuego janartauı Gvatemala astanasınan şamamen 40 şaqırım qaşıqtıqta äri turister arasında asa tanımal Antigua qalasınıñ mañında ornalasqan.

“The Qazaq Times”