foto: edition.cnn.com

Damığan lazerli kartogramma Gvatemalanıñ soltüstigindegi djungli astınan ejelgi Mayya qalasınıñ 60 mıñnan astam qwrılımın anıqtadı. Olardıñ arasında üyler, saraylar jäne 90 metrlik piramidalar bar, dep habarlaydı CNN aqparat agenttigi.

Lazermen jabdıqtalğan arnayı wşaqtar djungli üstinen jay wşıp ötken künniñ özinde jer astındağını köre aladı. Sol arqılı jer astına jürgizilgen zertteu boyınşa "Mayya qalaları biz oylağannan äldeqayda ülken" degen boljam bar.

Zertteu tobın basqaruşılardıñ biri - Marçello Kanuto (Marcello Canuto): "National Geographic-tiñ tabılğan qalalar jaylı jariyalağan aqparat kölemi Mezoamerikalıq örkeniet turalı jalpı adamzattıñ tüsinigin özgertui mümkin", - deydi.

2100 şarşı şaqırım jerden alınğan aqparattı ekstrapolyaciyalau kezinde bwl aymaqta twrğan halıq sanı äldeqayda köp ekendigi anıqtalğan. Boljam boyınşa, Mayya qalalarında (qazirgi Gvatemala men Meksikanıñ keybir böligi) 10 mln-ğa juıq adam twrğan, bwl bwrındarı jürgizilgen zertteuler körsetkişinen birneşe ese ülken.

Mayya mädeni jäne tabiği mwrası (PACUNAM) qorınıñ negizin qalauşı - Kanuto lazerli kartogramma arheologtardıñ dästürli ädisterine qarağanda qımbat ekenin aytadı. Sol sebepti arheologtar ekolog nemese qorşağan orta mamandarımen birigip jwmıs istese, şığındı äldeqayda azıraq qajet etetin aerotüsirilimniñ özi tiimdi bolu mümkin ekendigin alğa tartadı.

“The Qazaq Times”