فوتو: گۆاتەمالاداعى اتقىلاعان جانارتاۋدان زارداپ شەككەندەر

گۆاتەمالا ۇكىمەتى فۋەگو جانارتاۋىنىڭ اتقىلاۋىنىڭ سالدارىنان 109 ادامنىڭ قازا تاپقانى تۋرالى مالىمەتتى راستادى. بۇل تۋرالى «AP»  اگەنتتىگى گۆاتەمالانىڭ سوت-مەديتسينالىق ينستيتۋتىنا سىلتەمە جاساپ حابارلايدى.

نەگىزىنەن، بۇعان دەيىن تابيعي اپات ايماعىندا 200 ادام ءىز-ءتۇزسىز كەتكەن. تابيعي اپاتتارمەن كۇرەس جونىندەگى مەملەكەتتىك اگەنتتىك بۇنى اۋا-رايىنىڭ كۇرت بۇزىلۋىمەن بايلانىستىرادى: جانارتاۋ اتقىلاماستان ءبىر كۇن بۇرىن نوسەر جاۋىن جاۋىپ، سەل تاسقىنىنا قاۋىپ كۇشەيگەن. سونىمەن قاتار، قۇتقارۋشىلاردىڭ ءوزى ءالى دە سۋىپ ۇلگەنمەگەن كۇل شوقتارىنان زارداپ شەككەن. ونىڭ ۇستىنە، جانارتاۋ اتقىلاعاننان بەرى 72 ساعات وتكەن، بۇل — جانارتاۋ قالدىقتارىنىڭ استىندا قالىپ قويعان ادامداردى امان الىپ قالۋدىڭ مۇمكىن ەمەستىگىن كورسەتەدى. "ۇشتى-كۇيلى كەتكەردەردىڭ جاقىندارى ولاردى ءوز بەتتەرىنشە ىزدەۋگە تالپىنۋدا. ال، بۇل وزدەرىنە دە ۇلكەن قاۋىپ توندىرۋدە", - دەپ حابارلاعان گۆاتەمالا بيلىگى.

بۇدان بۇرىن، گۆاتەمالاداعى فۋەگو جانارتاۋى ەكىنشى رەت اتقىلادى دەپ حابارلانىپ، بيلىك تۇرعىنداردى شۇعىل كوشىرۋدى قولعا العان ەدى.

ەستەرىڭىزگە سالا كەتسەك، 3 ماۋسىم كۇنى گۆالەمالادا فۋەگو جانارتاۋى الاپات جاعدايدا اتقىلاپ، ماماندار بۇنىڭ سوڭعى ونجىلدىقتاعى ەڭ جويقىن جانارتاۋ اتقىلاۋى دەپ حابارلاعان بولاتىن. فۋەگو جانارتاۋى گۆاتەمالا استاناسىنان شامامەن 40 شاقىرىم قاشىقتىقتا ءارى تۋريستەر اراسىندا اسا تانىمال انتيگۋا قالاسىنىڭ ماڭىندا ورنالاسقان.

“The Qazaq Times”